Душанбеде Орталық Азия елдері кәсіподақтарының аймақтық конференциясы өтті

Ағымдағы жылдың 24-25 қазанында Душанбе қаласында Халықаралық еңбек ұйымы мен Тәжікстанның тәуелсіз кәсіподақтар федерациясы ұйымдастырған «Орталық Азия кәсіподақтары халықаралық еңбек стандарттарына сәйкес алдын алудың, есеп берудің және тексерудің тиімді саясатын ілгерілету арқылы қауіпсіз және салауатты еңбек жағдайларына құқықты қорғайды»  атты Орталық Азия кәсіподақтарының өңірлік конференциясы өтті.

Конференция жұмысына ҚР Кәсіподақтар федерациясының төрағасы Сатыбалды Дәулеталин бастаған қазақстандық делегация қатысты. Делегация құрамында  «Қызмет» Мемлекеттік және азаматтық қызметшілер салалық кәсіподағының төрағасы Мирболат Жақыпов та болды.

Екі күн ішінде Орталық Азия елдері – Қазақстан, Өзбекстан және Тәжікстан кәсіподақтарының көшбасшылары мен белсенділері, сондай-ақ ХЕҰ/ACTRAV мамандары Орталық Азия өңірі кәсіпорындарының қызметіне халықаралық қауіпсіздік стандарттарын енгізу мәселелері бойынша негізгі ұсынымдарды айтты. Ұлттық кәсіподақ орталықтарының өкілдері еңбекті қорғау саласында тиісті халықаралық еңбек стандарттарын енгізу туралы елдік есептерді ұсынды, сондай-ақ, кәсіптік көшбасшылар ұлттық кәсіподақ орталықтарынң алдағы мақсаттарын анықтайды. Әрі қарай Орталық Азия елдерінің кәсіподақтар кеңесінің қатысушылары өңірдегі қауіпсіз және салауатты еңбек жағдайларын қамтамасыз ету жөніндегі стандарттарды іске асыру жөніндегі кеңес мүшелерінің өзара іс-қимылын келісуге келісті.

24 қазанда Қазақстан Республикасының Мемлекеттік, банк мекемелері мен қоғамдық қызмет көрсету қызметкерлерінің салалық кәсіподағының көшбасшысы Мирболат Жақыпов  мен Тәжікстанның мемлекеттік, қоғамдық және банк мекемелері қызметкерлерінің республикалық кәсіподақ комитетінің төрағасы Наргис Назарзода ынтымақтастық туралы шартқа қол қойды.

Ынтымақтастықтың негізгі бағыттары әлеуметтік және экономикалық құқықтарды қорғау саласында тәжірибе алмасу, кәсіподақ кадрларының біліктілігін арттыру, әлеуметтік прогресс мүддесінде халықаралық ынтымақтастықты нығайту және т. б. болып саналады.

Тараптар тату көршілік, достық және кәсіподақтар арасындағы ынтымақтастық қатынастарын одан әрі нығайтуға ықпал ететініне сенім білдірді.

Сондай-ақ, жұмыс сапары барысында «Қызмет» салалық кәсіподағының төрағасы Мирболат Жақыпов биыл алғаш рет аталып өткен Тәжікстан кәсіподақтар күніне арналған салтанатты кешке қатысты.