Жамбыл облыстық кәсіподақ комитетінің сайлау конференциясы өтті!

«Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіподағы қоғамдық бірлестігінің Жамбыл облыстық кәсіподақ комитетінің XXVIII кезекті Есеп беру – сайлау конференциясы өтті!

2025 жылдың 28 наурызында Жамбыл облыстық кәсіподақ комитетінің XXVIII конференциясы өтті. Конференцияда 2020 жылдың наурыз айынан 2025 жылдың наурыз айына дейінгі аралықта атқарылған жұмыстар қорытындыланып, кәсіподақтың әлеуметтік құқықтар мен мүдделерді қорғау, қаржылық тәртіпті нығайту, ұйымдар мен мекемелердің тиімді жұмысын арттыру мәселелері талқыланды.

📌 Конференция барысында қарастырылған негізгі мәселелер:

Есепті баяндамалар: Ерлан Сарузеновтың 2020-2025 жылдар аралығындағы жұмыстар туралы есебі тыңдалды. Бұл есепте бастауыш кәсіподақ ұйымдарының әлеуметтік әріптестікке ерекше назар аударғаны атап өтілді.

Әлеуметтік-экономикалық мәселелер: Кәсіподақ мүшелерінің құқықтарын қорғау және әлеуметтік-экономикалық жағдайларын жақсарту бойынша бірқатар шешімдер қабылданды.

Кәсіподақ ұйымдарын нығайту: Жаңа бастауыш кәсіподақ ұйымдары құрылып, әлеуметтік және қаржылық қолдаулар туралы шешімдер қабылданды.

✅ Конференция қорытындысы бойынша:

Жамбыл облысында 15 жаңа бастауыш кәсіподақ ұйымы құрылып, 295 жаңа мүшелер қабылданды.

Жыл сайынғы «Мектепке жол» акциясы аясында мұқтаж жандарға материалдық көмек көрсетілді.

Конференцияның басты мақсаты – кәсіподақтың жарғылық және қаржылық тәртібін сақтау, әлеуметтік әріптестік деңгейін арттыру. Кәсіподақтың барлық мүшелерінің мүдделерін қорғап, жұмысымызды әрі қарай дамытуға бағытталған жұмыстар жалғасатын болады.

Конференция жұмысына арнайы қатысқан Жақыпов Мирболат Хабибұлы, «Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіподағы қоғамдық бірлестігінің төрағасы, конференция жұмысына оң баға беріп, Жамбыл облыстық филиалының кәсіподақ мүшелерінің әлеуметтік құқықтары мен мүдделерін қорғау, олардың жарғылық тәртіптерінің тиімділігін арттыру жөніндегі жұмыстарды жалғастыру қажеттігін атап өтті. Сондай-ақ, Бахтияр Сайлаубекұлы Қараулов, Жамбыл облысының Кәсіподақтар орталығы төрағасының орынбасары, облыстағы әлеуметтік әріптестік бағытында атқарылып жатқан шараларға тоқталды.

Конференцияның күн тәртібіне сәйкес, «Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіподағы қоғамдық бірлестігінің Жамбыл облыстық филиалының төрағалығына Ерлан Қалидуллаулы Сарузенов бір ауыздан сайланды.

Алдағы уақытта да кәсіподақ мүшелерінің мүдделерін қорғап, облысымызда әлеуметтік әріптестікті дамытуға бағытталған жұмыстарды жалғасатын болады!