8 наурыз халықаралық әйелдер күніне арналған салтанатты шара

2024 жылы 06 наурыз күні «Қызмет» Батыс Қазақстан облыстық мемлекеттік, банк мекемелері және қоғамдық қызмет көрсету қызметкерлерінің салалық Кәсіподағы 8 наурыз халықаралық әйелдер күніне орай салтанатты шара өткізді.

Шараға Батыс Қазақстан облысының Кәсіподақтар Орталығының төрайымы А.Есекенова, бастауыш кәсіподақ ұйымдардың кәсіподақ белсенділері, кәсіподақ ұйымдарының төрайымдары қатысты.
Шара барысында Батыс Қазақстан облысының Кәсіподақтар Орталығының төрайымы Есекенова Айгүл Оразқызы, облыстық кәсіподақ ұйымының төрағасы Сүлеймен Серік Кенжебекұлы аруларға арналған жылы лебіздерін білдіре отырып, кәсіподақ мүшелерін көктем мерекесімен құттықтап, осынау жарқын мерекенің біздің барлық үміттеріміз бен армандарымызды тығыз байланыстыратын көктемнің алғашқы айының басында келуі, жақсылықтың нышаны болса керек.

Қашаннан бергі дәстүріміз бойынша біз бұл күні Сіздерге – аналарымыз бен апа – қарындастарымызға, сіңлілерімізге, қыздарымызға ең ыстық құттықтауларымыз бен ең ізгі тілектерімізді жолдаймыз.
Сіздерге шынайы көңілден зор денсаулық, баянды бақыт, отбасыларыңызға береке – бірлік, еңбектеріңізге табыс тілейміз! деп тілектерін білдіре келе, аруларға мейрамға орай құрмет көрсетіліп, сыйлықтар, гүлдер табыстады.