Қалалық жайлы ортаны дамыту қызметкерлері марапатталды

«16 желтоқсан – Қазақстан Республикасының Тәуелсіздік күні» мерекесіне орай, Шымкент қаласының қалалық жайлы ортаны дамыту басқармасы басшысының міндетін атқарушы Оңғар Әбілқайыр Бақытқалиұлы мекеменің бастауыш кәсіподақ ұйымы мүшелерін Қазақстан Республикасының Тәуелсіздік күні мерекесімен құттықтап, бірқатар қызметкерлерге «Қызмет» салалық кәсіподағы Шымкент қалалық филиалының марапаттарын табыстады.

Атап айтқанда, «Қызмет» салалық кәсіподағы Шымкент қалалық филиалының «Еңбек озаты» төс белгісімен: Шымкент қаласының қалалық жайлы ортаны дамыту басқармасы басшысының орынбасары Мақсат Асанұлы Абдукадиров, «Қызмет» салалық кәсіподағы Шымкент қалалық филиалының «Құрмет грамотасымен»: Шымкент қаласының қалалық жайлы ортаны дамыту басқармасының бас маманы Әуесбек Әзбердіұлы Опабек, «Қызмет» салалық кәсіподағы Шымкент қалалық филиалының «Алғыс хатымен»: Шымкент қаласының қалалық жайлы ортаны дамыту басқармасының бас маманы Мейрамбек Жумабекұлы Оразымбет марапатталды.
Марапаттары құтты болсын!