Бала-бақша ұжымының кәсіподақ мүшелерімен кездесті

Жұмыскерлердің мүдделерін қорғау, олардың құқықтарының сақталуын, еңбек қауіпсіздігінің сақталуын және еңбектің қорғалуын қоғамдық түрде бақылау, еңбек дауларын шешу – бұл кәсіподақ ұйымының басты міндеті.

Осы орайда, биыл жалғасын тауып отырған «Қалың қалай, бастауыш ұйым?» акциясы аясында, «Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлестігі Шымкент қалалық филиалының төрағасы Әуесханов Серік Елемесұлы «8 наурыз – халықаралық әйелдер күні» мерекесінің қарсаңында «Қуанышты бала» бөбекжай – бала бақшасының кәсіподақ мүшелерімен  кездесіп, олардың жағдайымен танысты.

Балабақша ұжымында 30-дан астам мектепке дейінгі білім беру педагогтары мен тәрбиешілері жұмыс жасайды.

Бала-бақшада ҚР Еңбек Кодексіне сәйкес ұжым мүшелерінің еңбек жағдайын жақсарту, қызметкерлерді әлеуметтік және зейнеткерлік қамсыздандыру, еңбек демалысына шығу, еңбекке ақы төлеу, жұмыс уақыты мен тынығу уақытының ұзақтығын айқындау, салауаттылықты, қауіпсіз еңбек пен тұрмыс жағдайларын жасау, еңбек қауіпсіздігі және еңбекті қорғау жөніндегі шараларды қаржыландыру, денсаулық сақтауды жақсарту, қоршаған ортаны қорғау, ұжым мүшелеріне әлеуметтік игіліктер жасау, ұйым жұмысының тұрақтылығын және тиімділігін қамтамасыз ету, басқа да құқықтық нормативтік актілерінің сақталуына қол жеткізу мақсатында жұмыс беруші мен жұмыскерлер атынан кәсіподақ арасында 5 жылға, яғни 2022–2026 жылдарға арналған әлеуметтік – еңбек қатынастарын реттейтін құқықтық акті – ҰЖЫМДЫҚ ШАРТ қабылданған.

Бала бақша кәсіподағының төрайымы Текеева Гүлбахрам Дарханқызы кәсіподақ мүшелерімен тығыз байланыста жұмыс жасап, ұжымдық шарттың орындалуы бойынша мерзімді есеп беріп отырады.

Қорытынды жиында кәсіподақ мүшелері қойған сұрақтарына толыққанды жауаптар алды.

Кездесу соңында білім саласының белсенді кәсіподақ мүшелеріне наградалар табысталды.

Атап айтқанда, филиалдың «Еңбек озаты» төс белгісімен: «Қуанышты бала» бөбекжай – бала бақшасының меңгерушісі Жабекова Гүлмира Қадырбайқызы, «Құрмет грамотасымен»: «Қуанышты бала» бөбекжай – бала бақшасының тәрбиешісі Базарханова Жанар Абдыхайқызы, саз жетекшісі Айтбай Ақбөпе Қанатқызы, «Алғыс хатпен»: «Қуанышты бала» бөбекжай – бала бақшасының тәрбиешілері Айнабекова Венера Қадырбайқызы,  Қарақұлова Мәдина Маратқызы, Мырзакерімова Гүлмира Нышанқызы марапатталды.