Кәсіподақ қозғалысын нығайту жолында

Мемлекеттік, банк мекемелері және қоғамдық қызмет көрсету қызметкерлерінің «Қызмет» салалық кәсіподағының Қостанай облыстық филиалының төрайымы Гүлнар Дәлібайқызы Донбаеваның жетекшілігімен жұмыс тобы Қарасу ауданына жұмыс сапарымен барды.

Сапар аясында Қарасу ауданы әкімінің аппаратының басшысы Петр Игоревич Павлиннің қатысуымен ауданның мемлекеттік қызметшілерімен кездесу өтті. Кездесу барысында облыстық филиал төрайымы салалық кәсіподақтың қызметі, оның негізгі жұмыс бағыттары, қызметкерлердің еңбек және әлеуметтік-экономикалық құқықтарын қорғау жөніндегі шаралар, сондай-ақ кәсіподақ мүшелігінің артықшылықтары туралы жан-жақты ақпарат берді.

Кездесуде әлеуметтік әріптестікті нығайту, еңбек ұжымдарындағы кәсіподақтардың рөлін арттыру және кәсіподақ қозғалысын одан әрі дамыту мәселелеріне ерекше назар аударылды. Қатысушылар өздерін толғандырған сұрақтарға жауап алып, еңбек қатынастары мен қызметкерлерді әлеуметтік қолдау мәселелері бойынша пікір алмасты. Облыстық филиалдың төрайымы мемлекеттік қызметшілерді кәсіподақ қатарына белсенді түрде қосылып, оның жұмысына белсене қатысуға шақырды.
Аудан әкімдігінде өткен кездесуден кейін облыстық филиал төрайымы «Бастауыш ұйым, жағдайың қалай?» акциясы аясында «Қарасу арнаулы әлеуметтік қызмет көрсету орталығы» КММ бастауыш кәсіподақ ұйымына барды. Мұнда мекеме қызметкерлерімен және арнаулы әлеуметтік қызмет алушылармен мазмұнды әрі жылы кездесу өтті.
Әңгімелесу барысында қызметкерлерді әлеуметтік қолдау, еңбек жағдайларын жақсарту және ұжымдағы кәсіподақ қызметін одан әрі дамыту мәселелері талқыланды. Кездесуге қатысушылар сындарлы диалог пен кәсіподақ пен еңбек ұжымдары арасындағы тығыз өзара іс-қимылдың маңыздылығын атап өтті.
Осындай кездесулер кәсіподақ бірлігін нығайтуға, қызметкерлердің құқықтық сауаттылығын арттыруға, әлеуметтік әріптестікті дамытуға және өңірдегі кәсіподақ қозғалысын одан әрі өркендетуге ықпал етеді.