Театрдағы кәсіподақтық кездесулер!

«ҚЫЗМЕТ» мемлекеттік, банк мекемелері және қоғамдық қызмет көрсету қызметкерлерінің Салалық кәсіподағының (төрайымдары – Татьяна Шатохина және Татьяна Пурясева) Қарағанды облысы Аумақтық құрылымдары Жаңа жылдың алғашқы күндерінде және Рождество мерекесіне кәсіподақ мүшелері мен олардың балалары үшін Қарағанды Академиялық музыкалық комедия театрында жаңа жылдық қойылым мен спектакль отбасыларымен барып көрулерін ұйымдастырды.

Театр актерлерінің жоғары кәсібилігі мен шығармашылық шабытының арқасында балалар мен ересектер өздерінің сүйікті ертегілерінің сиқырлы әлеміне еніп, балалар әдеби шығармаларының кейіпкерлерімен жаңа жылдық сұлу шыршаның айналасында билеп, танымдық ойындар мен билерге белсенді қатысты, театрландырылған қойылымнан кейін көрермендер залында «Цветик-Семицветик» музыкалық ертегісін тамашалады.

«ҚЫЗМЕТ» кәсіподағының мүшелері жаңа жылдық жылы көңіл-күй сыйлайтын мерекелік жарқын театрлық кездесулер ұйымдастырылғаны және балалардың эстетикалық тәрбиесі мен мәдениетін дамытуға қосқан үлесі үшін шын жүректен алғыстарын білдірді !