Экономика саласының мамандары марапатталды

«Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлестігі Шымкент қалалық филиалының мүшелік ұйымы – Шымкент қаласының экономика және бюджеттік жоспарлау басқармасында басқарманың басшысы Есқараев Ерлан Бастарұлы мен кәсіподақ ұйымының төрағасы Бакиров Ержан Қамшыбекұлы ұжым мүшелерін «Жаңа жыл» мерекесімен құттықтап, бірқатар қызметкерлерге салалық кәсіподақ филиалының наградаларын табыстады.

Атап айтқанда, «Еңбек озаты» төс белгісімен Шымкент қаласының экономика және бюджеттік жоспарлау басқармасының бас мамандары Бектұрғанова Гүлімхан Сейілханқызы мен Дехқамбаева Елена Владимировна, «Құрмет грамотасымен» басқарманың бөлім басшысы Омарова Гүлбану Мәдиханқызы және «Алғыс хатпен» басқарманың бас маманы Ахметалиева Айжан Юсупахметқызы марапатталды.