Жыл қорытындысымен үздіктер марапатталды

«Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлестігінің Шымкент қалалық филиалы 2024 жылды нәтижелі де қарқынды көрсеткіштермен аяқтап, кәсіподақ мүшелерінің саны 5,0 мыңнан асып, кәсіподақ бюджетінің көлемі де едәуір ұлғайып, филиал құрамындағы мүшелік ұйымдардағы кәсіподақ мүшелерінің әлеуметтік жағдайларын жақсартуға, шипажайларда демалып, денсаулықтарын сауықтыруға, мәдени-спорттық және басқа түрлі шараларға қатысуларына қолайлы жағдайлар жасалған жұмыстармен аяқтады.
Жыл қорытындысы бойынша өткізілген жиында «Қызмет» салалық кәсіподағы Шымкент қалалық филиалының төрағасы Әуесханов Серік Елемесұлы және «Шымкент қаласы кәсіподақтар орталығы» аумақтық кәсіподақтар бірлестігі төрағасының орынбасары Құрманбек Жарқымбек Айдарбекұлы кәсіподақ қозғалысын дамытуға елеулі үлес қосқан кәсіподақ белсенділері мен үздіктеріне және әлеуметтік әріптестерге кәсіподақтың, қала әкімінің және қалалық маслихаттың наградаларын табыстап, «Лайықты еңбек жылында» еңбек адамдарына лайықты құрмет көрсетті.
Атап айтқанда:
«Қызмет» салалық кәсіподағының медальдарымен:

• «Әлеуметтік саланың үздігі» медалімен Шымкент қаласының жұмыспен қамту және әлеуметтік қорғау басқармасының «№1 арнаулы әлеуметтік қызметтер көрсету орталығы» коммуналдық мемлекеттік мекемесінің басшысы Ешенқұлов Нұрғали Илгербайұлы;
• «Үздік әлеуметтік әріптес» медалімен Шымкент қаласы Қаратау ауданының әкімі Мулкеманов Рақымберді Жанысбекұлы;
• «Мемлекеттік қызметінің үздігі» медалімен Шымкент қаласы Әл-Фараби ауданы әкімінің орынбасары, бастауыш кәсіподақ ұйымының төрағасы Тәжібаев Марат Әбдімажидұлы;
• «Елеулі еңбек үшін» медалімен Еңбекші ауданы бойынша Мемлекеттік кірістер басқармасының бас маманы, бастауыш кәсіподақ ұйымының төрағасы Қарабаев Жарқын Құрманбекұлы;
• «Өз ісінің маманы» медалімен Шымкент қаласының тұрғын үй басқармасының статист қызметкері, бастауыш кәсіподақ ұйымының төрағасы Балбаев Әбдімәлік марапатталды.

«Қызмет» салалық кәсіподағы Шымкент қалалық филиалының «Еңбек озаты» төс белгілерімен:

• Шымкент қаласының қалалық жайлы ортаны дамыту басқармасының басшысы Оңғар Әбілқайыр Бақытқалиұлы;
• Шымкент қаласының дін істері басқармасының бөлім басшысы Сарманов Ғалымжан Тахирұлы марапатталды.

Қазақстан Республикасы Кәсіподақтар Федерациясының және «Қызмет» салалық кәсіподағының «Құрмет грамоталарымен»:

• Шымкент қаласының дене шынықтыру және спорт басқармасының «Шымкент қаласының кешенді жоғары спорт шеберлігі мектебі» коммуналдық мемлекеттік мекемесі директорының орынбасары, бастауыш кәсіподақ ұйымының төрағасы Сариев Сембек Даулетбайұлы;
• Шымкент қаласының дін істері басқармасының бас маманы, бастауыш кәсіподақ ұйымының төрайымы Шукен Қарлығаш Тұрсынқызы марапатталды.

Шымкент қаласы әкімінің «Алғыс хаттарымен»:

• Шымкент қаласы Әл-Фараби ауданы әкімінің орынбасары, бастауыш кәсіподақ ұйымының төрағасы Тәжібаев Марат Әбдімажидұлы;
• Шымкент қаласының мәдениет, тілдерді дамыту және архивтер басқармасының «Шымкент қалалық мемлекеттік архиві» коммуналдық мемлекеттік мекемесінің бас бухгалтері, бастауыш кәсіподақ ұйымының төрайымы Байтулешова Камиля Ералықызы;
• Шымкент қаласы бойынша қазынашылық департаментінің бөлім басшысы, бастауыш кәсіподақ ұйымының төрайымы Ергешова Әуескүл Тұрсынбайқызы марапатталды.

Шымкент қалалық маслихатының «Алғыс хаттарымен»:

• Шымкент қаласының мәдениет, тілдерді дамыту және архивтер басқармасының «Мәдени-бұқаралық іс-шараларды ұйымдастыру дирекциясы» коммуналдық мемлекеттік мекемесінің қойма меңгерушісі, бастауыш кәсіподақ ұйымының төрайымы Сыпатаева Күнсұлу Балқыбекқызы;
• Шымкент қаласы жұмыспен қамту және әлеуметтік қорғау басқармасының «№9 арнаулы әлеуметтік қызметтер көрсету орталығы» коммуналдық мемлекеттік мекемесінің маманы, бастауыш кәсіподақ ұйымының төрайымы Балабекова Әсел Маратқызы;
• Шымкент қаласының дін істері басқармасының бас маманы, бастауыш кәсіподақ ұйымының төрайымы Шукен Қарлығаш Тұрсынқызы;
• Шымкент қаласының жұмыспен қамту және әлеуметтік қорғау басқармасының «TEN QOGAM» әлеуметтік қолдау орталығы» коммуналдық мемлекеттік мекемесінің бөлім басшысы Дәрібаева Гүлзад Құдайбергенқызы марапатталды.