22 желтоқсан – Қазақстан Архив қызметкерлерінің кәсіби мерекесі

«Түркістан облысының қоғамдық- саяси тарихының мемлекеттік архиві» коммуналдық мемлекеттік мекемесінде мерекелік жиын өтті. Жиынды архив басшысы Шардарбекова Гүлнар Сәдібекқызы ашып, ұжым мүшелерін төл мерекемен құттықтап, «Архив – тарихи шежіре қоймасы ғана емес, әр ұлттың даму жолын, болмысын, арман – тілегін, ақыл-ойын, даналығы мен даралығын сақтайтын киелі орын. Бұл маңызды құжат ел игілігіндегі құндылықтарды көздің қарашығындай сақтап, асыл мұраларды болашақ ұрпаққа қаз-қалпында жеткізілуі, әрі зерттелуі үшін жасалған маңызды қадам болды. Өткен ғасырдың құнды құжаттарын сақтау, өңдеу сонымен бірге ел игілігіне пайдалану үшін архив қызметкерлеріміздің атқарып жатқан рөлі зор деп, архившілердің қоғам өмірінде атқарып отырған елеулі еңбектерінің маңыздылығын атап өтіп, халыққа көрсетіп отырған сапалы қызметтері үшін алғысын білдірді.
Мерекелік жиынға «Қызмет» салалық кәсіподағы Түркістан облыстық филиалының төрайымы Есебаева Кулдар Аралбекқызы қатысып, Архив ісін дамытып, ұлттық тарихи қорды толықтыру бағытында қажырлы еңбек етіп, өңіріміздің тарихына қатысты архив құжаттарын кеңінен танытуға қосқан үлестері үшін Құрмет Грамоталарын және «Еңбек озаты» төс белгісімен марапаттады.

Мереке құтты болсын, құрметті әріптестер!