Жеке кабинет
Түркістан облыстық филиалының XXXІ – конференциясы өтті
20.11.2024Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлестігінің Жарғысына сәйкес Түркістан облыстық филиалының XXXІ – конференциясы өтті.
Бекітілген квота сәйкес бастауыш ұйымдардан сайланған 73 делегаттың 71 –і қатысты.
Конференция жұмысына «Қызмет» мемлекеттік, банк мекемелері және қоғамдық қызмет көрсету қызметкерлерінің Салалық кәсіподағы» қоғамдық бірлестігінің төрағасы Жақыпов Мирболат Хабиұлы, «Қызмет» мемлекеттік, банк мекемелері және қоғамдық қызмет көрсету қызметкерлерінің Салалық кәсіподағы» қоғамдық бірлестігінің төраға орынбасары және Астана қалалық филиалдың төрағасы Нұрланов Атақозы Кельденұлы, Түркістан облыстық аумақтық кәсіподақтар орталығының төраға орынбасары Бақтыбаев Айдар Файзуллаұлы және бірқатар жұмыс берушілер арнайы қатысты.
Конференцияның күн тәртібінде төмендегідей мәселелер қаралды: «Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлестігінің Түркістан облыстық комитетінің XXXІ – конференциясының жұмысы туралы есебі және алдағы міндеттері туралы облыстық кәсіподақ ұйымының төрайымы Кулдар Аралбекқызы Есебаева жасаса, облыстық кәсіподақ ұйымның қаржы есебі туралы тексеру комиссиясының төрағасы Тұрлыбеков Күмісбек Қуанышұлы баяндады.
Жарғыға сәйкес «Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлестігінің Түркістан облыстық ұйымның төрағасы Есебаева Кулдар Аралбекқызының конференция аралық атқарған жұмыстары қанағаттанарлық деп, танып, бекітіп, бірауыздан қайта сайланды. Конференцияда облыстық кәсіподақ ұйымының Кеңесінің жаңа құрамы, облыстық кәсіподақ ұйымының тексеру комиссиясының жаңа құрамы сайланды.
Конференция делегаттары «Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлестігінің ХІІ – съезіне делегаттар сайланды. Алдағы болатын ХІІ – съезінде «Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлестігінің төрағалығына бірауыздан Жақыпов Мирболат Хабиұлының кандидатурасын ұсынды.
Конференция соңында «Қызмет» салалық комитеттің төрағасы Мирболат Хабиұлы конференция делегаттарына алғысын білдіріп, кәсіподақтағы белсенді қоғамдық қызметі, еңбек ұжымының арасындағы достық пен ынтымақтастықты нығайтуға қосқан үлесі үшін бірқатар кәсіподақ активін Қазақстан Республикасы Кәсіподақтар Федерациясының, «Қызмет» салалық кәсіподақ комитетінің наградаларымен марапаттады.
Қазақстан Республикасы Кәсіподақтар федерациясының Құрмет грамотасымен Ерботаева Гүлден Қамытбекқызы – Төлеби ауданы ЖҚ және ӘББ сектор меңгерушісі, Сидиков Фозилжан Камилжанұлы – Түлкібас ауданы әкім апаратының заңгері марапатталды.
Қазақстан Республикасы Кәсіподақтар федерациясының «Кәсіподақ ардагері» медалімен Аманбаева Жанат Абдукәрімқызы – Түркістан облысы Мемлекеттік кірістер департаментінің кәсіподақ ұйымының төрайымы, Асқаров Мыңжасар – Созақ аудандық комитеттің төрағасы марапатталды.
Қазақстан Республикасы Кәсіподақтар федерациясының «Кәсіподақтардағы белсенді жұмысы үшін» медалімен Биманова Бахыткүл Құрмантайқызы – Шардара аудандық комитеттің төрайымы, Сүйіндік Сәттібек Жөргенбайұлы – Ордабасы аудандық комитеттің төрағасы мараратталды.
Республикалық «Қызмет» салалық кәсіподақ комитетінің «Мемлекеттік қызметкерлер кәсіподағының үздігі» төс белгісімен марапатталады Мамадияров Әлішер Тойлыбекұлы – Келес ауданы «Келес спорт клубы» кмм директоры, әлеуметтік әріптес, Тұраханов Бахадир Бахтиярұлы – ТО ЖҚҮ және ӘББ № 1 Түркістан АӘҚКО дәрігері, бастауыш кәсіподақ комитетінің төрағасы марапатталды.
Республикалық «Қызмет» салалық кәсіподақ комитетінің «Кәсіподақ қайраткері» медалімен Сатыбалды Ақәділ Болатұлы – Созақ ауданы әкімінің орынбасары әлеуметтік әріптес, кәсіподақ мүшесі марапатталды.
Республикалық «Қызмет» салалық кәсіподақ комитетінің «Үздік әлеуметтік әріптес» медалімен Түркістан облысы бойынша Статистика департаментінің басшысы Күнтуғанова Гүлнара Темірболатқызы марапатталды.
