Батыс Қазақстан облыстық кәсіподақ ұйымының кезекті конференциясы өтті

«Қызмет» Батыс Қазақстан облыстық мемлекеттік, банк мекемелері және қоғамдық қызмет көрсету қызметкерлері салалық кәсіподағы 2024 жылы 18 қараша күні кезекті ХХХ-шы есеп беру-сайлау конференциясын өткізді.

Конференцияға «Қызмет» Мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлестігінің төрағасы Жақыпов Мирболат Хабиұлы, «Қызмет» Мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлестігінің төраға орынбасары Нұрланов Атақозы Келденұлы, Батыс Қазақстан облысы әкімінің орынбасары Нарымбетов Бақытжан Хаберұлы, «Қызмет» Мемлекеттік, банк мекемелері және қоғамдық қызмет көрсету қызметкерлерінің салалық Кәсіподағы» қоғамдық бірлестігінің Ақтөбе облыстық филиалының төрайымы Сагындикова Мухтарита Муханбетқалиқызы, «Батыс Қазақстан облысының кәсіподақтар орталығы» аумақтық кәсіподақтар бірлестігінің төраға орынбасары Атауов Бауыржан Аяпбергенұлы, делегаттар, бастауыш кәсіподақ ұйымымың төрағалары және ақпарат құралдарының өкілдері қатысты.

Конференция барысында «Қызмет» облыстық мемлекеттік, банк мекемелері және қоғамдық қызмет көрсету қызметкерлері салалық кәсіподағының соңғы бес жылғы есебі, тексеру комиссиясының есебі тыңдалып, бекітілді.
Жарыссөзге қатысқан делегаттар кезекті мерзімдегі облыстық кәсіподақ ұйымының жұмысына оң баға беріп, қанағаттанарлық деп таныды.
«Қызмет» Мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлестігінің төрағасы Жақыпов Мирболат Хабиұлы «Қызмет» Батыс Қазақстан облыстық мемлекеттік, банк мекемелері және қоғамдық қызмет көрсету қызметкерлері салалық кәсіподағының төрағалығына Сүлеймен Серік Кенжебекұлының кандидатурасын ұсынды.
Делегаттар бірауыздан дауыс беріп, «Қызмет» Батыс Қазақстан облыстық мемлекеттік, банк мекемелері және қоғамдық қызмет көрсету қызметкерлері салалық кәсіподағының төрағалығына Сүлеймен Серік Кенжебекұлы бірауыздан сайланды.

«Қызмет» Орталық Кеңес төрағасы Жақыпов Мирболат Хабиұлы қайта сайланған төрағаны құттықтап, алдағы жұмысына сәттіліктер тіледі.
Облыстық конференция делегаттары «Қызмет» Мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлестігінің төрағалығына Жақыпов Мирболат Хабиұлының кандидатурасын ұсынып, бір ауыздан дауыс берді.
Сонымен қатар «Мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлістігінің ХІІ съездіне делегаттар сайланды.
Конференцияның күн тәртібіндегі қаралған мәселелер бойынша қаулылар бірауыздан қабылданды.
Конференция соңында «Қызмет» Мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлестігінің төрағасы Жақыпов Мирболат Хабиұлы «Қызмет» Орталық Кеңесінің кәсіподақ белсенділеріне қызметтеріне үлкен жетістіктер тілеп «Әлеуметтік саланың үздігі», «Елеулі еңбек үшін» медальдарымен, Құрмет грамоталарымен марапаттады.