Ардагерлерге құрмет көрсетілді

«Қызмет» салалық кәсіподағы Ақтөбе облыстық филиалының кезекті ХХХІІ конференциясының жұмысына қатысқан кәсіподақ ардагерлеріне құрмет көрсетілді.
Жалпы облыстық филиал өз жұмысында ардагерлермен жұмысқа ерекше көңіл бөледі. Облыстық филиалдың бірде-бір шарасы ардагерлердің қатысуынсыз өтпейді. Кәсіподақ ардагерлерін құрметтеу, оларды кәсіподақ жұмысына қатыстыру, соның ішінде кәсіподақ жастарымен тәжірибелерімен бөлісуін тұрақты түрде ұйымдастырып келеді.
Ардагерлер жұмыстан тыс уақытта да көңілден тыс қалмайды. Ардагерлерді туған күндерімен, мерейтойларымен, мемлекеттік және кәсіби мерекелермен құттықтау дәстүрге айналған.
Конференцияға қатысқан бес ардагерге «Қызмет» салалық кәсіподағының төрағасы Мирболат Жақыпов құттықтау папкасын табыс етіп, иықтарына шапан жауып, гүл шоқтарын табыс етті және өскелең ұрпаққа беріп жатқан өнегелі істеріне алғысын білдірді.

Олардың қатарында ұзақ жылдар мемлекеттік қызметте болып, еліміздің, өңіріміздің дамуына ерекше үлес қосқан, негізгі қызметтерінен бөлек кәсіподақ қозғалысының дамуына атсалысқан Амангелді Шунимов, Тыныштыбай Шалабаев, Айсәуле Мұстафина, Запен Жұмабаева, Төлеулі Махимов секілді аға буын аға-апаларымыз бар.

Ардагерлерімізді марапаттарымен құттықтап, ұзақ ғұмыр, зор денсаулық, отбасыларына амандық, құт-береке тілейміз.