Сырдария ауданында кездесу жиыны өтті

2024 жылдың 30 қазан күні «Қызмет» мемлекеттік, банк мекемелері және қоғамдық  қызмет көрсету қызметкерлерінің салалық кәсіподағы» ҚБ Қызылорда облыстық филиалының ұйымдастыруымен Сырдария ауданы әкімдігінің мәжіліс залында Сырдария ауданы әкімдігіне қарасты мемлекеттік мекемелер, кент, ауылдық округі әкімі аппараттары, бөлімдер басшылары, қызметкерлерімен кездесу өтті. Барлығы 32 адам.

Кездесуді аудан әкімі аппаратының басшысы Нұржан Ешниязов ашып, жүргізді. Жиын барысында салалық кәсіподақтың облыстық филиалының төрайымы Сәуле Тұрсынбаева салалық кәсіподақтың қызметі, Облыстық кәсіподақтың 2023 -2024 жылдары атқарған жұмыстарымен, кәсіподақ тарапынан берілетін жеңілдіктер мен  көмектерге, кәсіподақ мүшелерін сауықтыру жұмыстарына тоқталып, таныстырып өтті. Қатысушылардың сұрақтарына жауаптар берілді.

Кездесуде «Қызмет» Облыстық салалық кәсіподақтың «Еңбек озаты» медалімен Інкәрдария ауылдық округінің әкімі Сәулет Есдәулетов, «Қызмет» салалық кәсіподағының құрмет грамотасымен Шіркейлі ауылдық округінің бас маманы Мамадиярова Раушан, Қызылорда облыстық кәсіподақтар орталығының құрмет грамотасыменЖетікөл ауылдық округінің әкіміӨмірбек Тоқпамбетов, А.Тоқмағанбетов ауылдық округі әкімі аппаратының әлеуметтік қызметкері  Құрманкүл Ахметова,  Амангелді ауылдық округі әкімі аппаратының бас маманы  Бауыржан Ермағанбетов марапатталды.