Цифрландыру басқармасының қызметкерлері марапатталды

«Қалың қалай, бастауыш ұйым» акциясы аясында «Қызмет» салалық кәсіподағының мүшелік ұйымы – Шымкент қаласының цифрландыру басқармасында «Қызмет» салалық кәсіподағы Шымкент қалалық филиалының төрағасы Серік Әуесханов мекеме қызметкерлерімен кездесу өткізіп, кәсіподақ мүшелерінің қал-жағдайларымен танысты.
Қорытындысымен өткізілген бастауыш кәсіподақ ұйымының есеп беру – сайлау жиналысында кәсіподақ ұйымы төрағасының есебі қанағаттанарлық деп танылып, кәсіподақ төрағасы болып Алдиярова Айгерім Хамитбекқызы қайта сайланып, тиісінше салалық кәсіподақ филиалының конференциясына делегат болып сайланды.

Жиналыс соңында «Қызмет» салалық кәсіподағы Шымкент қалалық филиалының төрағасы Серік Елемесұлы басқарма қызметкерлерін «25 қазан – Республика күні» мерекесі күнімен құттықтап, белсенді кәсіподақ мүшелеріне филиалдың наградаларын табыстады.
Атап айтқанда, «Қызмет» салалық кәсіподағы Шымкент қалалық филиалының «Еңбек озаты» төс белгісімен Шымкент қаласының цифрландыру басқармасының басшысы Кемелов Мұхит Әбутәліпұлы, «Құрмет грамотасымен» басқарманың бөлім басшысы Қырғызбаев Ернұр Серперұлы, сондай-ақ «Алғыс хатпен» басқарманың бас маманы Жанаева Жанат Табынбайқызы марапатталды.