Мерекелік марапаттар легі

«Қызмет» салалық кәсіподағы облыстық филиалының төрайымы Сағындықова Мұхтарита Мұханбетқалиқызын 25 қазан – Республика күніне орай жоғары марапаттарға ие болуымен шын жүректен құттықтаймыз.
Жыл бойы атқарылған нәтижелі жұмыстар еленіп, филиал басшысы ҚР Парламенті Мәжілісінің төрағасы Ерлан Қошановтың алғыс хатымен марапатталды.

Сонымен қатар, қаламыздың саяси-қоғамдық өміріне етене араласып, тұрғындардың проблемалық сұрақтарын шешуге атсалысқаны үшін Ақтөбе қаласының әкімі Азамат Бекет филиал төрайымына «Ақтөбе қаласына – 155 жыл» мерейтойлық медалін табыстады.
Бұл марапаттар облыстық филиалдың әрбір мүшесінің жетістігі деп білеміз.
Мұқтарита Мұханбетқалиқызына қызметте табыс, отбасына амандық, деніне саулық тілейміз.
Қоғамымыздың дамуына, өркендеуіне қосып жүрген үлесіңіз әрдайым алғысқа ие болып, мемлекет, қоғам, тұрғындар тарапынан елене берсін деп тілектестік білдіреміз.