10 қазан – Қазақстан Кәсіподақтар күні құтты болсын!

10 қазан – Қазақстан Кәсіподақтар күніне  «Қызмет» салалық кәсіподағы Түркістан облыстық филиалының ұйымдастыруымен  мерекелік іс шара өтті. Бұл күні әрбір кәсіподақ белсенділерінің еселі еңбектері еленіп, мадақтаулар мен марапаттардың иелеріне  құрмет көрсетілді.

 Салтанатты жиынға «Түркістан облысы кәсіподақтар орталығы» аумақтық кәсіподақтар бірлестігінің төрағасы Бердіғали Өмірәлі, төраға орынбасары Айдар Бахтыбаев, «Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлестігінің Түркістан облыстық филиалының  кәсіподақ активі мен  бастауыш  кәсіподақ  ұйымының  төрағлары мен  төрайымдары  қатысты.

 Жиынды   Түркістан  облыстық  филиалдың  төрайымы  Күлдар Есебаева  ашып,  Қазақстан  кәсіподақтар  қозғалысының  рөліне тоқталып, салалық кәсіподақтың атқарған жұмыстары мен алдағы міндеттері туралы айтып өтті.

 «Түркістан облысы кәсіподақтар орталығы» аумақтық кәсіподақтар бірлестігінің төрағасы Бердіғали Өмірәлі барша қатысушыларды  мерекемен  құттықтап, кәсіподақ қозғалысының дамуы жолында ұзақ уақыттан бері еңбек етіп жүрген «Қызмет» мемлекеттік, банк  мекемелері  және  қоғамдық  қызмет  көрсету  қызметкерлерінің салалық  кәсіподағының   белсенділерін  Қазақстан  Республикасының  Кәсіподақтар федерациясының, «Қызмет»  салалық кәсіподағының,  Түркістан  облыстық  аумақтық кәсіподақтар бірлестігінің  Құрмет грамотасы мен Алғыс хаттары табыс етілді.

Қазақстан  Республикасы  Кәсіподақтар  Федерациясының  «Қазақстан кәсіподақтар  қозғалысына сіңірген  еңбегі  үшін»  медалімен  «Қызмет»  салалық кәсіподағы»  Түркістан  облысы   Мақтаарал  аудандық   комитетінің   төрағасы Хаметов Қасымбек Тұрсынбайұлы марапатталды.

Мақсаты мен арманы  бір  мерекеміз   баршаңызға  мықты  денсаулық, отбасыңызға  амандық, еңбектеріңізге  табыс,  бейбіт  те  берекелі  өмір  әкелсін!