Орталықта «Кәсіподақтар күніне» орай салтанатты жиын өтті

«Қалың қалай, бастауыш ұйым» акциясы аясында «Қызмет» салалық кәсіподағының мүшелік ұйымы – Шымкент қаласы жұмыспен қамту және әлеуметтік қорғау басқармасының «Аялы алақан» №5 арнаулы әлеуметтік қызметтер көрсету орталығы» коммуналдық мемлекеттік мекемесінде «Қызмет» салалық кәсіподағы Шымкент қалалық филиалының төрағасы Серік Әуесханов және мекеменің директоры Серік Бабакуловпен бірге орталықтың қызметкерлерімен кездесу өткізіп, қал-жағдайларымен танысты.

Кездесуден кейін «Кәсіподақтар күніне» орай салтанатты жиын өткізілді.
Жиында «Қызмет» салалық кәсіподағы Шымкент қалалық филиалының төрағасы Серік Елемесұлы әлеуметтік орталық қызметкерлерін «10 қазан – Қазақстан кәсіподақтары күні» мерекесімен құттықтап, бірқатар белсенді кәсіподақ мүшелеріне филиалдың наградаларын табыстады.

Атап айтқанда, «Қызмет» салалық кәсіподағы Шымкент қалалық филиалының «Еңбек озаты» төс белгісімен еңбек нұсқаушысы, бастауыш кәсіподақ ұйымының төрайымы Сапарова Айгүл Шалхарқызы, «Құрмет грамоталарымен» еңбек нұсқаушысы Тоқанова Раушан Қуанышбекқызы, санитар тазалаушысы Есмурзаева Күлпан Исабекқызы, тәрбиешісі Нұрсейітова Жібек Рахымқызы, Әлтекова Сандуғаш Ерғазықызы марапатталды.
Жиын соңында әлеуметтік әріптес – мекеме басшысы Серік Сейілұлы «Қызмет» салалық кәсіподағының атына алғысын айтып, алдағы қызметтеріне сәттілік тіледі.