Мерекелік іс-шарада мектеп мұғалімдері марапатталды

«Қызмет» салалық кәсіподағының мүшелік ұйымы – Шымкент қаласының білім басқармасының №95 жалпы орта білім беретін мектебінде бастауыш кәсіподақ ұйымының ұйымдастыруымен «5 қазан – Мұғалімдер күніне» орай, мектеп мұғалімдеріне арналған мерекелік кеш өткізілді.
Мерекелік шарада «Қызмет» салалық кәсіподағы Шымкент қалалық филиалының төрағасы Әуесханов Серік Елемесұлы мектеп мұғалімдерін «5 қазан – Мұғалімдер күні» және «10 қазан – Қазақстан кәсіподақтары күні» мерекелерімен құттықтап, ұжымның бірнеше кәсіподақ мүшелеріне Шымкент қаласының білім басқармасының «Алғыс хаттарын» табыстады.

Атап айтқанда, «Алғыс хаттармен» мектептің пән мұғалімдері Жұмағұлова Клара, Асанова Тамара, Жұпарбекова Айгул, Қылышбаева Динара, Жақсылықов Омар, Пухарбаев Дінмұханбет, Сатынбек Гүлбара, Нәлібаев Ерғали марапатталды.
Жиын соңында мектеп директоры Әбілдә Мүслім «Қызмет» салалық кәсіподағының атына алғысын айтып, алдағы жұмыстарына сәттілік тіледі.
Марапаттарыңыз бен кәсіби мерекелеріңіз құтты болсын ұстаздар!