Жастар форумының делегаты

2024 жылғы 7 қазанда «Қызмет» мемлекеттік, банк мекемелері және халыққа қызмет көрсету қызметкерлерінің салалық кәсіптік одағы» ҚБ Қостанай облыстық филиалының «Арқалық арнаулы әлеуметтік қызметтер көрсету орталығы» КММ БПҰ төрағасы Шыңғыс Хасен Қазақстан Республикасы Кәсіподақтар федерациясы ұйымдастырған «Еңбек эволюциясы: климат, құзыреттер, кодекс» атты жұмысшы мамандықтарының халықаралық жастар форумына қатысу үшін Астанаға келді.

Форум басталар алдында Қостанай облыстық филиалының делегаты Шыңғыс Хасен «Қызмет» салалық кәсіподағының төрағасы Мирболат Жақыповпен және төрағаның орынбасары Атақозы Нұрлановпен кездесті. Ол бастауыш кәсіподақ ұйымының қызметі туралы, өзі төраға болып табылатын облыстық филиалдың «Келешек» жастар кеңесінің жұмысы туралы айта келе, аға әріптестерінің сөздерін тыңдап, халықаралық жастар форумында өзінің белсенді жұмыс істеуге ұмтылатынына жеткізді.