Қазақ музыкалық мәдениетінің інжу-маржаны!

Алматы қаласында Қазақ музыка мәдениетінің інжу маржанына айналған Құрманғазы атындағы Қазақ Ұлттық Халық аспаптар Оркестрінің құрылғанына 90 жылдық мерей тойына арналған салтанатты шара өтті.
Бүгінгі күні қазақтың музыка өнерін Республика деңгейінен асырып, бүкіл әлемге танымал етіп отырған Оркестрдің өнері барша қазақтың мақтанышы.

Сонау 1933 жылы Ахмет Жұбановтың ұйымдастыруымен 11 адамнан тұратын домбырашылар ансамбліне, 1944 жылы майталман күйші композитор Құрманғазының есімі берілді. Бүгінде Ұлттық мәртебелі дәрежесі бар Оркестрде 85 өнерлі музыкант қажымай адал еңбек етіп,бабалардан қалған асыл мұрамызды насихаттап келеді.

Салтанатты шарада «Қызмет» Салалық кәсіподағы Республикалық қоғамдық бірлестігінің төрағасы Мирболат Хабиұлы Жақыпов Оркестр ұжымына Салалық кәсіподақтың Алғыс хатын табыстап, мол шығармашылық табыс, үлкен жетістіктер тіледі.
Сондай ақ атақты Құрманғазы бабамыздың сонау 1934 жылы 90 жыл бұрын, қазақтың тұңғыш суретшісі Әубакір Ысмаилов салған, ерекше дара, еш жерде жарияланбаған жеке суреті ел алдында Оркестрге табысталды.

Қазақ өнерімен бірге Құрманғазы атындағы Ұлттық оркестрі мың жасасын.