Жұмыс беруші мен жұмысшыларға марапаттар табысталды

«Қалың қалай, бастауыш ұйым» акциясы аясында «Қызмет» салалық кәсіподағының мүшелік ұйымы – Шымкент қаласының Еңбекші ауданы әкімі аппаратының «Еңбекші» коммуналдық мемлекеттік мекемесінде «Қызмет» салалық кәсіподағы Шымкент қалалық филиалының төрағасы Серік Әуесханов мекеменің директоры Нұрсұлтан Әділбековпен және бастауыш кәсіподақ ұйымының төрағасы Бақдаулет Әлішерімен бірге ұжым мүшелерімен кездесу өткізіп, қал-жағдайларымен танысты.

Қорытынды жиында «Қызмет» салалық кәсіподағы Шымкент қалалық филиалының төрағасы Серік Елемесұлы мекеме жұмысшыларын «10 қазан – Қазақстан кәсіподақтары күні» мерекесімен құттықтап, мекеме басшысы мен бірқатар кәсіподақ мүшелеріне кәсіподақ наградаларын табыстады.
Атап айтқанда, мекеменің басшысы Нұрсұлтан Бауыржанұлы Әділбеков «Еңбек озаты» төс белгісімен, мекеменің жұмысшылары Мадина Жаулыбайқызы Исматулаева мен Бегали Аметалиұлы Достаев «Құрмет Грамоталарымен», сондай-ақ мекеменің жұмысшы шебері Сатпай Сабырұлы Уйсимбаев және жұмысшылары Беккали Таубайұлы Уразалиев пен Арман Кемалбайұлы Ерубаев «Алғыс хаттармен» марапатталды.

Кездесу соңында мекеменің басшысы Нұрсұлтан Бауыржанұлы «Қызмет» салалық кәсіподағының атына алғысын айтып, алдағы істеріне сәттілік тіледі.