Жұмысшылармен жұмыс басында кездесу өткізілді

«Қалың қалай, бастауыш ұйым» акциясы аясында «Қызмет» салалық кәсіподағы Шымкент қалалық филиалының төрағасы Серік Әуесханов Шымкент қаласының Тұран ауданы әкімі аппаратының «Тұран» коммуналдық мемлекеттік мекемесі басшысының орынбасары Нұрдаулет Кенжебеков пен кәсіподақ төрайымы Дариха Рамановамен бірге ұжым мүшелерімен қаланың белгіленген аумағындағы жұмыс басында кездесу өткізіп, олардың қал-жағдайларымен танысты.
Қорытынды жиынында «Қызмет» салалық кәсіподағы Шымкент қалалық филиалының төрағасы Серік Елемесұлы мекеменің жұмысшыларын «10 қазан – Қазақстан кәсіподақтары күні» мерекесімен құттықтап, бірқатар кәсіподақ мүшелеріне кәсіподақ наградаларын табыстады.

Атап айтқанда, «Қызмет» салалық кәсіподағы Шымкент қалалық филиалының «Еңбек озаты» төс белгісімен мекеменің жұмысшы шебері Раманова Дариха Әліқұлқызы, филиалдың «Құрмет грамоталарымен» мекеменің жұмысшы шебері Жылқайдаров Сүйіндік Құттыбекұлы мен жұмысшысы Абдураимов Айтберген Есенұлы, сондай-ақ филиалдың «Алғыс хаттарымен» мекеменің жұмысшы шебері Рашов Әділбек Апбасханұлы мен жұмысшысы Лысенко Светлана Петровна марапатталды.
Жиын соңында мекеме басшысының орынбасары Кенжебеков Нұрдаулет «Қызмет» салалық кәсіподағының атына шынайы алғысын білдіріп, алдағы жұмыстарына сәттілік тіледі.