Мектеп мұғалімдеріне құрмет көрсетілді

Жоспарға сәйкес, «Қалың қалай, бастауыш ұйым» акциясы аясында «Қызмет» салалық кәсіподағының мүшелік ұйымы – Шымкент қаласының «Primary smart school» бастауыш мектебінде «Қызмет» салалық кәсіподағы Шымкент қалалық филиалының төрағасы Серік Әуесханов пен мектеп директоры Гүлмира Жабекова және кәсіподақ төрайымы Гульмайрам Сарбасова бірге мұғалімдермен кездесу өткізіп, олардың жұмыстарымен және кәсіподақ мүшелерінің қал-жағдайларымен танысты.

Қорытынды жиынында «Қызмет» салалық кәсіподағы Шымкент қалалық филиалының төрағасы Әуесханов Серік Елемесұлы мектеп мұғалімдерін қыркүйек айының соңғы жексенбісі «29 қыркүйек – Еңбек күні», «5 қазан – Мұғалімдер күні» және алда келе жатқан «10 қазан – Қазақстан кәсіптік одақтары күні» мерекелерімен құттықтап, ұжымның бірнеше кәсіподақ мүшелеріне кәсіподақ наградаларын табыстады.

Атап айтқанда, «Қызмет» салалық кәсіподағы Шымкент қалалық филиалының «Еңбек озаты» төс белгісімен Шымкент қаласының «Primary smart school» бастауыш мектебінің директоры Жабекова Гүлмира Кадырбайқызы, филиалдың «Құрмет грамоталарымен» бастауыш сынып мұғалімі Пайзова Гульзада Сапарқызы және директордың оқу ісі жөніндегі орынбасары Сарбасова Гүлмайрам Нұрбекқызы, сондай-ақ филиалдың «Алғыс хаттарымен» бастауыш сынып мұғалімдері Молдақұл Айдана Жарқынбекқызы, Тасқұл Назерке Қалжанқызы, Құралова Асия Нуриллақызы, Тоқходжаева Роза Зияудинхужақызы, Жанбосынова Роза Рахымбердіқызы, Халметова Махаббат Жаксылыққызы, Тохпанбетова Сая Нұрланқызы марапатталды.
Жиын соңында мектеп директоры Гүлмира Кадырбайқызы «Қызмет» салалық кәсіподағының атына алғысын айтып, алдағы жұмыстарына сәттілік тіледі.
Марапаттарыңыз бен кәсіби мерекелеріңіз құтты болсын ұстаздар!