«Қалың қалай, бастауыш ұйым» акциясы аясында

Қазақстан Республикасы Кәсіподақтар федерациясының «Қалың қалай, бастауыш ұйым» акциясы аясында «Қызмет» салалық кәсіподағының мүшелік ұйымы – Шымкент қаласының цифрландыру басқармасының «Шымкент қаласының ситуациялық орталығы» коммуналдық мемлекеттік мекемесінде «Қызмет» салалық кәсіподағы Шымкент қалалық филиалының төрағасы Серік Әуесханов мекеменің бастауыш кәсіподақ ұйымының төрайымы Дидар Мақашовамен бірге ұжым мүшелерімен кездесу өткізіп, қал-жағдайларымен танысты.
Кездесу қорытындысында «Қызмет» салалық кәсіподағы Шымкент қалалық филиалының төрағасы Серік Елемесұлы мекеме жұмысшылары мен қызметкерлерін алда келе жатқан «10 қазан – Қазақстан кәсіптік одақтары күні» мерекесімен құттықтап, ұжымдағы бірқатар кәсіподақ мүшелеріне марапаттар табыстады.

Атап айтқанда, инспектор-операторы Тұрсын Ерсұлтан Бердалыұлы «Еңбек озаты» төс белгісімен, мекеменің аналитик-сарапшысы Айтова Салтанат Макамбеткаримқызы «Құрмет Грамотасымен», сондай-ақ мекеменің инспектор-операторы Жұмабекова Динара Ералықызы «Алғыс хатпен» марапатталды.
Кездесу соңында мекеменің кәсіподақ төрайымы Дидар Оразбекқызы «Қызмет» салалық кәсіподағына алғысын білдірді.