Тамыз айында өткізілген тартымды шаралар

Тамыз айы мектеп оқушыларының белсенді демалып, жаңа оқу жылына күш жігермен келуіне жағдай жасайтын берекелі де мерекелі айы. Осыған орай, “Қызмет” Салалық кәсіподағы Алматы қаласы бойынша филиалы бастауыш кәсіподақ мүшелерінің мектеп жасындағы 200 балалар мен ата аналарына бүкіл тамыз айы Алматы қалалық зообағына әр сенбі күні тегін саяхаттар ұйымдастырды.
Осы шарада ерекше белсенділікті Еңбек мобильды орталығы мен “Пана” әлеуметтік қызмет көрсету орталығының кәсіподақ белсенділері танытты.

Тамыздың тамылжыған кезіндегі зообақтағы неше түрлі экзотикалық жануарлар мен құстарды, жаңадан дүниеге келген қонжықтарды көріп балалар ерекше мәз болысты.
Қазақта “Адам табиғатқа неғұрлым жақын болған сайын, соғұрлым табиғаттай таза, мейірімді болады”-деген ұстаным бар.
Басқа да демалыс түрлерімен қатар, балаларға табиғат тағылымы ерекше әсер бергенінің куәсі болдық.