Әлеуметтік саланың үздіктері марапатталды

«Қалың қалай, бастауыш ұйым» акциясы аясында «Қызмет» салалық кәсіподағы Шымкент қалалық филиалының мүшелік ұйымы – Шымкент қаласы әкімдігінің «Еңбек мобильдігі орталығы» коммуналдық мемлекеттік мекемесінің кәсіподақ мүшелерімен кездесу өткізілді.

«Қызмет» салалық кәсіподағы Шымкент қалалық филиалының төрағасы Әуесханов Серік Елемесұлы орталықтың кәсіподақ мүшелерінің қал-жағдайларымен танысып, қорытынды жиында кәсіподақ мүшелерін «30 тамыз – ҚР Конституция күнімен» құттықтап, мекеменің бірқатар белсенді қызметкерлеріне кәсіподақ наградаларын табыстады.
Атап айтқанда, «Еңбек озаты» төс белгісімен мекеме директорының орынбасары Алиханов Бекболат Нұрғалиұлы, «Құрмет грамотасымен» Мансап орталығының басшысы Толыбаев Бекзат Рахманқұлұлы және құқықтық қызметтер көрсету бөлімше тобының басшысы Саудашева Салтанат Қамбарқызы, сондай-ақ «Алғыс хатпен» бөлім басшылары Бердібай Абдулла Мұханметжанұлы мен Ерсайн Медетжан Бауыржанұлы марапатталды.