Жеке кабинет
«Қызмет» салалық кәсіподағының мүшелік ұйымдарында есептік-сайлау науқаны басталды
19.08.20242025 жылы «Қызмет» салалық кәсіподағының кезекті съезін өткізуге байланысты өңірлерде мүшелік ұйымдарда есептік-сайлау науқаны басталды.
2024 жылғы 16 тамызда «Қызмет» салалық кәсіподағының төрағасы Мирболат Жақыповтың қатысуымен «Қызмет» салалық кәсіподағының Ақмола облыстық филиалының ХХІХ есеп беру-сайлау конференциясы өтті. Сонымен қатар конференцияға «Қызмет» салалық кәсіподақ төрағасының орынбасары А.Қ.Нұрланов, Ақмола облысы кәсіподақтары аумақтық бірлестігінің төрағасы Қ.С. Рахметов, Солтүстік Қазақстан облыстық филиалының төрағасы Т.Т. Әбілмәжінов, Облыстық ардагерлер кеңесінің төрағасы Е.Б. Нұғыманов, «Ақмола облысы әкімінің аппараты» бастауыш кәсіподақ ұйымының төрайымы С.Қ. Балғожина, әлеуметтік серіктестер: Атбасар ауданының әкімі А.А.Қалжанов, Целиноград ауданы, Аққайың ауылы «Шапағат» арнаулы әлеуметтік қызметтер көрсету орталығы коммуналдық мемлекеттік мекемесінің директоры Қ.Қ.Сандыбаев және басқа да өкілдер қатысты. Конференцияға сайланған 50 делегаттың 45-і қатысты.
Конференция делегаттарына арнаған сөзінде Мирболат Жақыпов «Қызмет» салалық кәсіподағының қызметі туралы хабардар етті. «Бізге кезекті XII съезге дайындық бойынша үлкен жұмыс күтіп тұр. Бүгіннен бастап республиканың мүшелік ұйымдарында есептік-сайлау науқаны басталды. Осы жылдар бойы біз кәсіподақ жұмысын жетілдіру, «Қызмет» кәсіподағының тартымдылығын күшейту және беделін арттыру бойынша мақсатты жұмыс жүргізіп келеміз. Еңбек ұжымдарында корпоративтік рухты нығайту, жұмыс берушілер мен кәсіподақ арасындағы әлеуметтік диалогты қолдау, құқықтар мен мүдделерді қорғау, еңбекақыны арттыру және қызметкерлерді сауықтыру – біздің қызметіміздің басты бағыттары», – деп атап өтті Мирболат Жақыпов.
«Қызмет» салалық кәсіподағы Ақмола облыстық филиалының төрағасы Боранбай Бегалин есептік кезеңде атқарылған жұмыстар туралы баяндама жасады. Ол жұмыстың маңызды бағыттарын, облыстың кәсіподақ ұйымының сала қызметкерлерінің құқықтары мен заңды мүдделерін қорғауға бағытталған қабылданып жатқан шаралары мен бастамаларын атап өтті, кәсіподақ мүшелерінің еңбек мәселелерін шешу жәнеәлеуметтік қолдауды қамтамасыз ету бойынша филиалдың қызметі қалай жүргізіліп жатқанын айтып берді.
Боранбай Бегалин жиналғандардың назарын филиалдың бес есептік жыл ішіндегі жұмысы әлеуметтік әріптестік негізінде құрылғанына аударды.
Конференция делегаттары филиал жұмысын талқылауға белсене қатысып, қол жеткізілген жетістіктерді атап өтті. Есептік-сайлау конференциясы барысында «Қызмет» мемлекеттік мекемесінің Аршалы аудандық кәсіподақ ұйымының төрайымы Күлпаш Оспанова, «Шаңтөбе кентінің арнаулы әлеуметтік қызмет көрсету орталығы» КММ бастауыш кәсіподақ ұйымының төрайымы Оксана Фукс, Астрахан аудандық кәсіподақ ұйымының төрайымы Жанар Ильдетаева, Қуандық Сандыбаев – «Шапағат» арнаулы әлеуметтік қызмет көрсету орталығы» КММ директоры сөз сөйледі. Жалпы, филиалдың жұмысы қанағаттанарлық деп танылды. Сондай-ақ, тексеру комиссиясының төрайымы И.Н.Қарағаеваның есебі тыңдалып, бекітілді.
Одан әрі бекітілген күн тәртібіне сәйкес қатысушылар «Қызмет» салалық кәсіподағының Ақмола облыстық филиалының төрағасын сайлау мәселесіне көшті. «Қызмет» кәсіподағының Жарғысына сәйкес, Кәсіподақ төрағасы төрағаның кандидатурасын ұсынады. М.Х. Жақыпов аталған лауазымға Б.К.Бегалиннің кандидатурасын ұсынғанын жариялады. Боранбай Бегалиннің мемлекеттік қызметте, экономика саласында және өкілді органдарда басшылық қызметтегі көп жылдық тәжірибесі бар екені айтылды. Ол өзін жоғары дәрежелі маман ретінде танытып, Ақмола облысының қоғамдық өміріне белсене араласып, Көкшетау қалалық мәслихатының үш шақырылымының депутаты болып сайланды. Оның жоғары беделінің дәлелі 5-ші шақырылымдағы Көкшетау қалалық мәслихатының хатшысы және Көкшетау қалалық Қоғамдық кеңесінің төрағасы болып сайлануы болды. Конференция мүшелерінің ашық дауыс беруімен Бегалин Боранбай Қарпқалиұлы жаңа бесжылдық мерзімге «Қызмет» салалық кәсіподақ Ақмола облыстық филиалының төрағасы болып бірауыздан сайланды.
Содан кейін: филиал төрағасының орынбасары Орынбасар Қапарова, тексеру комиссиясының құрамы, филиалдың атқарушы комитетінің мүшелері, сондай-ақ Ақмола облыстық филиалынан съезд делегаттарының үшеуі сайланды. Конференция делегаттары Салалық кәсіподақтың XII съезінде «Қызмет» Салалық кәсіподақ төрағасы лауазымына М.Х.Жақыповтың кандидатурасын ұсыну туралы шешім қабылдады.
Конференцияның қорытынды бөлігінде салалық кәсіподақтың дамуына елеулі үлес қосқан қызметкерлерді салтанатты марапаттау рәсімі өтті.
Кәсіподақ төрағасы М.Х. Жақыповтың Ақмола облысының әкімі М.М. Ахметжановпен телефон арқылы сөйлесуі барысында мемлекеттік қызметкерлер кәсіподағымен әлеуметтік әріптестікті одан әрі дамыту перспективалары туралы пікір алмасты. Мирболат Жақыпов өңір басшысына кәсіподақ қозғалысын қолдағаны үшін алғысын білдірді. Облыс әкімі ел Президенті Қ.К. Тоқаевтың облысқа келуіне байланысты оны жеке қабылдай алмағанын түсіндірді.
