Медицина қызметкерлері марапатталды

Елімізде маусым айының үшінші жексенбісі медицина қызметкерлерінің күні аталып өтеді. Бұл күн дертке дауа, жанға саулық сыйлайтын ардақты мамандық иелерінің кәсіби мерекесі. Бұл мереке медицина қызметкерлерінің жанқиярлық еңбектерінің қаншалықты маңызды және баға жетпес екенін  көрсетеді.

Өмірінде аталған саланың жұмысымен бетпе-бет келмейтін, көмегіне жүгінбейтін жан жоқ. Ал адамның ең қымбат байлығы – денсаулығын қорғауда, сақтауда ақ халаттылардың еңбегі ерен. Ал бұл дәрігерлерден білімділікті, кәсіби адалдық пен адами қасиеттерді талап етеді.

Мереке қарсаңында «Қызмет» салалық кәсіподағына қарасты үлкен бастауыш кәсіподақ ұйымдарының бірі – №1 Қызылорда арнаулы әлеуметтік қызметтер көрсету орталығында мерекелік шара өтті. Шарада Қызылорда облыстық кәсіподақтар орталығының құрмет грамотасымен бастауыш кәсіподақ ұйымының төрайымы Қарлығаш Ысқақ, «Қызмет» салалық облыстық кәсіподағының құрмет грамотасымен кәсіподақ мүшелері Жеңісгүл Аринова, Жанат Сүндетова, Қаршыға Альмаханова марапатталып, қаржылай сыйлықтар берілді.

Мерекелік шарада әсем әндер шырқалып, көрермен қауымға көтеріңкі көңіл-күй сыйлады.