Медицина саласының қызметкерлері марапатталды

«Қызмет» салалық кәсіподағының облыстық филиалы басшылығы Медицина қызметкерлерінің күніне орай №2 әлеуметтік қызмет көрсету орталығында ұйымдастырылған  салтанатты шара қатысып, үздік мамандарды марапаттады.
Шараға қатысқан филиал төрайымының орынбасары Рафхат Бисенов мекемедегі медицина қызметкерлерін кәсіби мерекелерімен құттықтап, тілегін білдірді.

Мекемеде ұзақ жылдар қызмет етіп жүрген 2 қызметкерге «Еңбек озаты» төсбелгісі табысталса, 3 қызметкер филиалдың құрмет грамотасымен және алғыс хаттарымен марапатталды.
Облыстық филиал өз мүшелерін кәсіби мерекелерімен шын жүректен құттықтай отырып, қызметтеріңізге табыс, істеріңізге береке, дендеріңізге саулық, отбасыларыңызға амандық тілейді.