Ақ халатты абзал жандарды марапаттау жалғасын тапты

«Қызмет» салалық кәсіподағының облыстық филиалы басшылығы Медицина қызметкерлерінің күніне орай үздік кәсіподақ мүшелерін марапаттауды жалғастырды.
Облыстық филиал төрайымының орынбасары Рафхат Бисенов Ауыр тұрмыстық жағдайдағы тұлғаларды қайта әлеуметтендіруге арналған орталығында ұйымдастырылған шараға қатысып, үздік мамандарды марапаттады.

Мекемеде ұзақ жылдар қызмет етіп жүрген 1 қызметкерге «Еңбек озаты» төсбелгісі табысталса, 2 қызметкер филиалдың алғыс хаттарымен марапатталды.
Облыстық филиал өз мүшелерін кәсіби мерекелерімен шын жүректен құттықтай отырып, қызметтеріңізге табыс, істеріңізге береке, дендеріңізге саулық, отбасыларыңызға амандық тілейді.