«Қызмет» салалық кәсіподағының Шымкент қалалық филиалы кәсіподақ активіне арналған семинар-жиналыс өткізді

Шымкент қаласының кәсіподақтар орталығында «Қызмет» салалық кәсіподағы Шымкент қалалық филиалының ұйымдастыруымен бастауыш кәсіподақ ұйымдарының төрағалары мен хатшыларын оқытуға арналған семинар-жиналыс өткізді.

Семинарға «Шымкент қаласы кәсіподақтар орталығы» аумақтық кәсіподақтар бірлестігі төрағасының орынбасары Ж.Құрманбек қатысып, кіріспе сөз сөйлеп семинар-жиынды ашып берді.

Әрі қарай, «Қызмет» салалық кәсіподағы Шымкент қалалық филиалының төрағасы С.Әуесханов семинар-жиналыстың күн тәртібіне сәйкес, Сыбайлас жемқорлықтың алдын алу талаптарын орындау мақсатында бастауыш кәсіподақ ұйымдарына берілетін кәсіподақ жарналарының қаржы үлесін қолма-қолсыз беруді немесе есеп картасына аудару арқылы жүзеге асыру туралы, Кәсіподақ мүшелерінің тарихи орындарға саяхатын ұйымдастыру туралы, Кәсіподақ мүшелерінің шипажайларда демалуын ұйымдастыру бойынша жолдама беру және барып келгендерге өтемақы төлеу туралы, сондай-ақ спорттық сауықтыру фитнес клубтарына, бассейндерге жолдама беруді ұйымдастыру туралы, Кәсіподақ ұйымдары арасында спартакиадалық жарыс ұйымдастыру және оның спорт түрлеріне белсене қатысу туралы, еңбек қатынастары туралы мәселелер бойынша терең тоқталып, тәжірибе жүзіндегі жұмыстармен бөлісіп, қатысушылардың сұрақтарына тұщымды жауаптар берді.

Бұл тез дамып келе жатқан филиалдың құрамына кіріп жатқан мүшелік ұйымдар үшін тиімді басқосу болды.