Жаңа жылда жаңа мекемеден бастауыш кәсіподақ ұйымы ашылды

Жаңадан ашылған “Primary Smart School” бастауыш мектебі ЖШС-де кәсіподақ ұйымы құрылып, “Қызмет” салалық кәсіподағы Шымкент қалалық филиалының құрамына мүшелік ұйым болып кірді.
Қазірге бастауыш мектепте жұмыс жасап жатқан 25 адам толығымен кәсіподақ мүшелігіне тартылған.
«Қызмет» салалық кәсіподағы Шымкент қалалық филиалының төрағасы С.Әуесхановтың, “Primary Smart School” бастауыш мектебі ЖШС-нің жұмыс берушісі – мектеп директоры Г.Жабекованың және қызметкерлер атынан кәсіподақ комитетінің төрайымы С.Тоқпанбетованың арасында өзара қарым – қатынастар жөніндегі 2024-2028 жылдарға арналған келісім-шартқа қол қойылып, тараптар бір-біріне нәтижелі жұмыстар атқаруға сенім білдірді.