Жалағаш ауданында үздік мамандар марапатталды

Қызылорда облысы Жалағаш ауданының  Мәдениет үйінде  жаңа жыл қарсаңында ауданның қорытынды шарасы өтті. Мерекелік шарада жыл бойы өз саласының үздігі атанып, ауданның дамуына үлес қосқан білікті мамандар марaпатталды.

Қорытынды кеште аудан әкімі Ардақ Ибраимов аудан үшін жасалған әрбір игі бастаманың серпін алуы ел бірлігінің арқасы екенін жеткізе отырып, үздік мамандарға марапаттарды табыстады.  Табысталған марапаттардың бірі  – «Қызмет салалық кәсіподағы» ҚБ Қызылорда облыстық филиалының «Еңбек озаты» медалі болды.

           «Еңбек озаты» медалімен Аққұм ауылдық округі әкімі аппаратының бас  маманы, кәсіподақ мүшесі Абзал Ибраев және Жалағаш аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің бас маманы, кәсіподақ мүшесі Алихан Момынтаев марапатталды.

          Марапаттарыңыз құтты болсын!