Шиелі ауданының еңбек озаттары марапатталды

Жыл қорытындысы бойынша үздік еңбеккерлер «Қызмет салалық кәсіподағы» ҚБ Қызылорда облыстық филиалының «Еңбек озаты» медалімен марапатталды.

2023 жылдың 28 желтоқсан күні Шиелі ауданының жұмыспен қамту және әлеуметтік бағдарламалар бөлімінің басшысы, аудандық кәсіподақ комитетінің төрағасы Ағыбай Төлегенов «Еңбек озаты» медалін бөлімнің әлеуметтік төлемдер және қаржы-шаруашылық секторының бас маманы Әлима Шалбайға табыстады.

Әлеуметтік саланың дамуына өз үлесін қосып келе жатқан білікті де білімді маман Әлима Әбдіқадырқызы 1969 жылы Шиелі ауданында дүниеге келген, білімі жоғары. Жалпы еңбек өтілі 32 жыл. 1998 жылдан әлеуметтік салада абыройлы еңбек етіп келеді, саладаға еңбек өтілі 25 жыл.

Марапатыңыз құтты болсын, Әлима Әбдіқадырқызы!