Еңбек озаты марапатталды

Шиелі ауданында жыл қорытындысы бойынша «Қызмет салалық кәсіподағы» ҚБ Қызылорда облыстық филиалының «Еңбек озаты» медалімен Ержан Файзулла Қалиұлы марапатталды.

Файзулла Қалиұлы 1968 жылы Шиелі ауданы, Нартай ауылында дүниеге келген, білімі жоғары. Жалпы еңбек өтілі 38 жыл. 1997-2013 жылдары Шиелі аудандық ішкі істер бөлімінде қызмет етсе, 2015-2016 жылдары Керделі ауылдық округі әкімінің міндетін атқарушы, 2016- 2023 жылдың 12 желтоқсаны аралығында Бестам ауылдық округінің әкімі қызметін атқарды. Ел игілігі үшін адал еңбек етіп, ауданның дамуына өз үлесін қосқан Ф.Ержан елге сыйлы, құрметке ие азамат.

Марапатыңыз құтты болсын, Файзулла Қалиұлы!