22 желтоқсан – Архившілер күні

Қазақстан Республикасының «Ұлттық архив қоры және архивтер туралы» Заңының қабылданғанына 25 жыл толуына орай және 22-желтоқсан «Архившілер күні» кәсіби мерекемізге орай Түркістан облысы мемлекеттік архиві кәсіподақ ұйымының төрайымы Өтелбаева Айжан Пердалықызының қолдауымен архив қызметкерлері арасында «Өнерлі өрге жүзер» атты сайыс болып өтті.– Түркістан облысы мемлекеттік архивінің басшысы Исатаева Айдын Кеңесбайқызының құттықтау алғысөзімен ашылған іс-шара барысында қызметкерлер «Сәлем – сөздің анасы», «Шебер қолдар», «Тапқыр болсаң тауып көр..» «Сегіз қырлы, бір сырлы..» кезеңдері бойынша бақтарын сынап, өз өнерлерін ортаға салды. Іс-шара соңында «Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлестігінің Түркістан облыстық филиалының төрайымы Есебаева Күлдар Аралбекқызы архив қызметкерлерін «Еңбек озаты» төсбелгісімен, «Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіподақ ұйымының Құрмет грамотасымен марапаттаса, архив басшысы Исатаева Айдын Кеңесбайқызы Түркістан облысының цифрландыру, мемлекеттік қызметтер көрсету және архивтер басқармасының Алғыс хаттарын және Түркістан облысы мемлекеттік архивінің Алғыс хаттарын табыстады.