Жаңа жыл қарсаңында жұмыскерлерге сый құрмет көрсетілді

«Қалың қалай, бастауыш ұйым?» акциясы аясында «Қызмет» салалық кәсіподағы Шымкент қалалық филиалының төрағасы Серік Әуесханов Шымкент қаласының Әл-Фараби ауданы әкімі аппаратының «Әл-Фараби» коммуналдық мемлекеттік мекемесіне арнайы барып, мекеменің басшысы Ермек Ахеловтің және бастауыш кәсіподақ ұйымының төрағасы Талғат Алдасаевтың қатысуымен, қаланың тазалық жұмыстарын атқаратын жұмыскерлермен, мекеменің кәсіподақ мүшелерімен кездесіп, олардың қалжағдайларымен танысып, жыл қорытындысы бойынша жеткен жетістіктерін баяндап, алда келе жатқан жаңа жыл мерекесімен құттықтап, бірқатар белсенді кәсіподақ мүшелеріне «Қызмет» салалық кәсіподағы Шымкент қалалық филиалының «Еңбек озаты» төс белгісін, «Құрмет грамоталарын», «Алғыс хаттарын» және Шымкент қаласы Әл-Фараби ауданы әкімінің «Құрмет грамоталары» мен «Алғыс хаттарын», сондай-ақ бастауыш кәсіподақ ұйымының кәсіподақ мүшелерінің балаларына арнап дайындаған жаңа жылдық тәттілер сыйлықтарын табыстады.

Іс-шара соңында мекеме басшылығы мен кәсіподақ комитеті атынан «Қызмет» салалық кәсіподағының жұмыстарына сәттілік тілеп, ризашылықтарын білдірді.
Алда келе жатқан жаңа жылымыз жақсылықтар мен қуаныштарға толы жыл болсын!
Еліміздің барлық әлеуметтік-экономикалық салаларында жетістіктер мол болсын!