Балалардың жазғы демалысы

 «Қызмет» Мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» ҚБ Қызылорда облыстық филиалы кәсіподақ мүшелерінің балаларының жазғы демалыс уақытын ұтымды, қызықты, пайдалы етіп  өткізу   мақсатында Жаңақорған ауданында орналасқан «Тау самалы»  және Түркістан облысы, Төле би ауданы, тау бөктерінде орналасқан «Тау шыңы» лагерлеріне 50 пайыз жеңілдікпен 10 күнге демалыс ұйымдастырды.

 «Тау самалы» лагерінде көңілді ойындар, спорттық жарыстар, ән, би, пародия кештері, «Жайдарман», «Тау самалы дауысы», «Тәрбиеші мен тынығушы», «Танылмаған таланттар» т.б. байқау, сайыстар өткізіліп, Құттықожа бұлақ басына саяхат жасаса, «Тау шыңы» лагерінде де  түрлі қызықты шаралар өткізіліп, Алатау бөктеріндегі «Тамшылы бұлақ» үңгіріне саяхат жасап  балаларға қуаныш, позитивті көңіл-күй сыйлады. Олардың жүздерінде күлкі, көңілдері шат, мәз-мейрам.

Лагерлерге  барған балалар  әр күнін қызықты өткізіп, жаңа достар тауып,  таза ауада демалып, жақсы әсер алды. Шараларға белсене қатысқан олар интернет, телефонсыз 10 күндерінің қалай тез өтіп кеткенін байқамай, достарымен қимай қоштасты.

 «Тау самалы» лагерінде 42 бала, «Тау шыңы» лагерінде 17 бала, барлығы 59 бала демалды.