Жаңақорған ауданының кәсіподақ белсенділері марапатталды

30 желтоқсан күні Қызылорда облысы, Жаңақорған ауданында 2022 жылдың қорытынды салтанатты шарасы өтті. Салтанатты шарада аудан әкімі Мұрат Жолкелдіұлы Тілеуімбетов жыл көлемінде ауданның жеткен жетістіктері мен атқарылған ауқымды жобаларға тоқталып, барша аудан тұрғындарын Жаңа жыл мерекесімен құттықтады.  Салтанатты шара барысында Жаңақорған ауданының сәулет, қала құрылысы  және  құрылыс  бөлімінің бас маманы Шынар Накипова «Қызмет» Мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» ҚБ Қызылорда облыстық филиалының «ЕҢБЕК ОЗАТЫ» медалімен марапатталды.  

Сонымен қатар Жаңақорған аудандық кәсіподақ комитетінің төрағасы Қалмұхамбет Тәжіғұлов Аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің сектор меңгерушісі Қатира Нұртаеваға  «Қызмет»Мемлекеттік, банк мекемелері жәнеқоғамдық қызмет көрсету қызметкерлер салалық  кәсіподағыныңқұрмет грамотасын табыстады.