«Қалың қалай, бастауыш ұйым?» акциясы аясындағы кезекті кездесу

«Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлестігі Шымкент қалалық филиалының кестесіне сәйкес, 2022 жылғы 27 желтоқсан күні Филиал төрағасы Серік Елемесұлы Әуесханов, Шымкент қаласы Әл-Фараби ауданының әкімі Рашид Мамытұлы Мыңбаевтың және аудан әкімі аппаратының кәсіподағы комитетінің төрағасы Марат Әбдімәжитұлы Тәжібаевтың қатысуымен Қазақстан Республикасы Кәсіподақтар Федерациясының «Қалың қалай, бастауыш ұйым?» акциясы аясында Шымкент қаласының Әл-Фараби ауданы әкімі аппараты мемлекеметтік мекемесінің кәсіподақ ұйымы мүшелерімен кездесіп, жиын өткізілді.
Аталған басқосуда Әл-Фараби ауданы әкімі аппаратының мемлекеттік мекемесі кәсіподағы комитетінің 2022 жылы атқарған үздік жұмыстары аталып, «Қызмет» салалық кәсіподағы Шымкент қалалық филиалының атқарған жұмыстары туралы қысқаша есептік хабарлама берілді.
Жиында филиал төрағасы С.Әуесханов Шымкент қаласы Әл-Фараби ауданы әкімінің орынбасары, кәсіподақ комитетінің төрағасы М.Тәжібаевқа белсенді қызметі үшін Шымкент қаласы әкімінің «Алғыс хатын» табыстады.
Кездесу соңында Шымкент қаласы Әл-Фараби ауданының әкімі Р.Мыңбаев «Қызмет» салалық кәсіподағына рахметін айтып, аппарат қызметкерлерінің бұдан әрі қарай да белсенді қызмет жасайтынына сенім білдіріп, алдағы келе жатқан жаңа жылмен құттықтады.