Боулинг – бұл барлық физика және энергияны бөлу!

«Мемлекеттік қызметтің персоналын басқару ұлттық орталығы» (МҚПБҰО) акционерлік қоғамындағы «Ұлттық тест» бастауыш кәсіподақ ұйымының ұйымдастыруымен, Жаңа жыл қарсаңында «МҚПБҰО» АҚ құрылған күнінің 14 жылдығына орай кәсіподақ мүшелері арасында «БОУЛИНГ-BOWLING» ойынынан турнир өткізілді.

  Турнир барысында қызметкерлер жеребе тастау арқылы 4 командаға бөлініп, жарысқа түсті. Жарыс 2 кезеңнен тұрды. 4 сағатқа созылған аса тартысты турнирде, жүлделі I-ші орынды «DREAM team – АРМАН командасы», жүлделі ІІ-ші орынды «ORDA» командасы және жүлделі ІІІ-ші орынды «АРГЕНТИНА» командасы жеңіп алды. Командаларды марапаттау рәсімін «Ұлттық тест» БКҰ төрағасы НАҚЫП Әнуар Мәуленұлы ашып беріп, марапатты табыстау үшін және құттықтау сөзді Қоғамның бас директоры БЕКІШ Ұлан Абдилкаилұлына берді. Өз кезегінде қоғам басшысы жарысқа қатысушыларды келе жатқан Жаңа 2023 жылмен және Қоғамның құрылғанына 14 жыл толуымен шын жүректен құттықтап, жарысқа қатысушыларға сәттілік, толағай табыс тіледі.

           Жеңімпаз командаларға сертификаттар мен дипломдармен марапатталды. І-ші орын иеленген «DREAM team – АРМАН командасына» – 20 000 теңге сертификаты және І-ші дәрежелі диплом, ІІ-ші орын иеленген «ORDA» командасына – 10 000 теңге сертификаты және ІІ-ші дәрежелі диплом және ІІІ-ші орын иеленген «АРГЕНТИНА» командасына 5 000 теңге сертификаты және ІІІ-ші дәрежелі дипломдар табысталды.

           Бұдан бөлек «Үздік страйкер» дипломы кәсіподақ мүшесі Б.Қалмахановқа табысталса, «Үздік нәтижелі ойыншы» дипломын кәсіподақ мүшесі Д. Ордабаев жеңіп алды. Жарыс соңында кәсіподақ мүшелері кезекпен сөз алып, жарысты ұйымдастырушы Қоғам басшылығына рахметтерін айтып, қошеметтерін білдірді.