«Қызмет» салалық кәсіподағының мүшелері марапатталды

«16 желтоқсан – Қазақстан Республикасының Тәуелсіздік күніне» орай, 2022 жылғы 15 желтоқсан күні Шымкент қаласының кәсіподақтар орталығында «Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлестігі Шымкент қалалық филиалының құрамындағы белсенді кәсіподақ мүшелеріне Филиал төрағасы Серік Елемесұлы Әуесхановтың және «Шымкент қаласының кәсіподақтар орталығы» аумақтық кәсіподақтар бірлестігі төрағасының орынбасары Жарқынбек Айдарбекұлы Құрманбектің қатысуымен салтанатты іс-шара өтті.
Филиал құрамында 49 бастауыш кәсіподақ ұйымы бар және оларға 2750 адам кәсіподақ мүшелігіне тартылған. Барлық мекемелерде 2022-2026 жылдарға арналған ұжымдық шарттар жасалып, Шымкент қалысының мемлекеттік еңбек инспекциясы басқармасынан тіркеуден өткен.
Салтанатты жиында Филиалдың «Құрмет грамотасымен» Шымкент қаласының дене шынықтыру және спорт басқармасының «Шымкент қаласының №20 ауыр атлетикадан олимпиада резервінің мамандандырылған балалар-жасөспірімдер спорт мектебі» коммуналдық мемлекеттік мекемесінің кадр жөніндегі инспекторы Сұлтанбекова Гульбану Орынбекқызы, Шымкент қаласының цифрландыру басқармасының бөлім басшысы Туғанбай Мақсат Маратұлы, Филиалдың «Алғыс хатымен» Шымкент қаласының дене шынықтыру және спорт басқармасының «Шымкент қаласының №20 ауыр атлетикадан олимпиада резервінің мамандандырылған балалар-жасөспірімдер спорт мектебі» коммуналдық мемлекеттік мекемесінің Гір тасын көтеру спорты және қол күрес бөлімінің әдіскері, бастауыш кәсіподақ ұйымының төрағасы Сапарбаев Біржан Оспанұлы, Шымкент қаласының цифрландыру басқармасының бөлім басшысы Ботабаев Нұрбек Қасымбекұлы, «Қызмет» салалық кәсіподағының «Алғыс хатымен» Шымкент қаласының жұмыспен қамту және әлеуметтік қорғау басқармасының «№1 арнаулы әлеуметтік қызметтер көрсету орталығы» КММ-нің басшысы Ешенқұлов Нұрғали Илгербайұлы , Шымкент қаласының экономика және бюджеттік жоспарлау басқармасының, білім және мәдениет салаларын жоспарлау бөлімінің бас маманы Керімбеков Алмас Ерғалиұлы, Шымкент қалалық маслихатының «Алғыс хатымен» Қаратау ауданы бойынша мемлекеттік кірістер басқармасының бастауыш кәсіподақ ұйымының төрайымы Рамазанова Ляззат Ахметжанқызы, Шымкент қаласының экономика және бюджеттік жоспарлау басқармасы бастауыш кәсіподақ ұйымының төрағасы Бакиров Ержан Қамшыбекұлы, Қазақстан Республикасы Еңбек және халықты әлеуметтік қорғау министрлігі Еңбек және әлеуметтік қорғау комитетінің Шымкент қаласы бойынша департаменті Нәлжанов Ғалымжан Қошқарбайұлы марапатталды.