Салалық кәсіподақ жетекшісі Алматының әлеуметтік-медициналық мекемелерінің жұмысымен танысты

«Қызмет» Салалық кәсіподағы төрағасы Жақыпов М.Х. Алматы қаласына жасаған жұмыс сапары аясында қалада орналасқан ірі әлеуметтік медициналық мекемелердің жұмысымен танысып шықты.
«Шаңырақ» әлеуметтік қызметтер орталығы директоры Тұманшиев Т.М.пен болған кездесуде Төраға 2023 жылдың 1 қаңтарынан бастап әлеуметтік қызметкерлердің еңбегіне ақы төлеу, олардың еңбекақысын кезең-кезеңмен арттыруға қол жеткізу барысында атқарылған жұмыстар жайлы тоқталып өтті.
208 кәсіподақ мүшесі бар « Шаңырақ» әлеуметтік қызмет орталығының басшылығы кәсіподақпен тығыз нәтижелі жұмыстың үстіміздегі жылы да жақсы жалғасын табатынына, қызметкерлердің еңбек құқықтарын қорғаудағы Алматы қаласы бойынша филиалдың жұмысына ризашылығын білдірді.
«Қызмет» Салалық кәсіподағы төрағасы Жақыпов М.Х. сондай ақ қызмет алушылармен де кездесіп, қариялардың батасына кенелді.