Қасиетті жұма күні қайырымды істер жалғасын тапты!

Шымкент қаласы Әл-Фараби ауданы әкімінің аппараты бастауыш кәсіподақ ұйымымен басталған “Жұмыла көтерген жүк жеңіл” челленджін «Global coffee» кофейня желісі жалғастырып, Шымкент қаласының аязды күнінде тазалау жұмыстарын жүргізіп жатқан коммуналдық сала қызметкерлеріне ыстық шәй мен сэндвич таратып, қолдау танытты.
Сондай-ақ, «Шымкент – ортақ үйіміз» деген ұстаныммен «#Жұмыла көтерген жүк жеңіл» челленджін жалғастыруға шақырды.

Шымкент қаласы Әл-Фараби ауданы әкімінің аппараты бастауыш кәсіподақ ұйымымен басталған “Жұмыла көтерген жүк жеңіл” челленджін қаланың Әлімбетов көшесі, 45 «В» үйдің төрайымы Қарлығаш апай қолдап, көп қабатты үйдің тұрғындарын бірлескен қоғамдық жұмысқа шақырып, «Өз ауламызды өзізіміз тазалайық!» деген ұстаныммен тұрғындар өз ауласын қардан тазалау жұмыстарын жүргізді.
Сондай-ақ, қаланың барша тұрғын үйлерінің төрағалары мен тұрғындарын «Шымкент – ортақ үйіміз» деген ұстаныммен «#Жұмыла көтерген жүк жеңіл» челленджін жалғастырып, аулаларды қардан тазалауға және балалар мен қарт кісілердің қауіпсіздігі мен еркін жүріп-тұруы үшін, сенбі күні сенбілік өткізуге шақырды.