Жалағаш ауданының кәсіподақ белсенділері марапатталды

2022 жылдың 28 желтоқсан күні Жалағаш  ауданының кәсіподақ белсенділері арасында семинар-кеңес өтті. Семинарға «Қызмет» салалық кәсіподағының Қызылорда облыстық филиалының төрайымы Сәуле Тұрсынбаева, облыстық кәсіподақ заңгері Кеңес Махамбетов, аудандық кәсіподақ комитетінің төрайымы Жұпар Баймаханова, бастауыш кәсіподақ ұйымдарының төрағалары мен төрайымдары, кәсіподақ мүшелері қатысты.

Облыстық  филиал төрайымы С.Тұрсынбаева семинарға қатысушыларға «Қызмет» салалық кәсіподағы» ҚБ Қызылорда облыстық филиалында 2022 жыл көлемінде атқарылған жұмыстармен, яғни құқықтық көмектер, оқулар, өткізілген іс-шаралар, кәсіподақ мүшелері мен оның балаларының денсаулығын сауықтыру шаралары т.б. таныстыра отырып, жарғылық тәртіпке де тоқталып өтті. Семинарда  кәсіподақ заңгері К.Махамбетов әлеуметтік-еңбек қатынастарын реттейтін құқықтық акт  –  ұжымдық шартқа  көптеген жеңілдіктер мен әлеуметтік кепілдіктерді енгізу туралы ұсыныстарды айтты. Берілген сұрақтарға жауаптар берілді.

Семинарда «Қызмет» облыстық салалық кәсіподақтың  «Еңбек озаты» медалімен еліміздің даму жолында өз үлесін қосып келе жатқан Қаракеткен ауылдық округі әкімі аппаратының жетекші маманы, кәсіподақ ұйымының төрайымы Күлдарай Жаңабаева марапатталды.  Сонымен қатар «Қызмет» Мемлекеттік, банк мекемелері және қоғамдық қызмет көрсету қызметкерлерінің салалық кәсіподағының құрмет грамотасымен Жалағаш аудандық ішкі саясат бөлімінің статист-маманы, кәсіподақ ұйымының төрайымы Райкүл Оманова, Жалағаш аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің статисті Әлия Тұрғанова, «Қызылорда облысы кәсіподақтар орталығы» аумақтық кәсіподақтар бірлестігінің құрмет грамотасымен Таң ауылдық округі әкімі аппаратының есепшісі Жанат Жәнібекова,  Мәдениет ауылдық округі әкімі аппаратының жетекші маманы Беріккүл Танибекова,  Облыстық салалық кәсіподақтың құрмет грамотасымен Жалағаш аудандық дене шынықтыру және спорт бөлімінің есепшісі Райхан Искакова,  Наркескен спорт клубының программист-маманы  Мақпал Ілесбай марапатталды.