Тұрғын үй басқармасының қызметкерлерімен кездесу өтті

2022 жылғы 22 желтоқсан күні «Қалың қалай, бастауыш ұйым?» акциясы аясында «Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлестігі Шымкент қалалық филиалының төрағасы Серік Елемесұлы Әуесхановтың қатысуымен Шымкент қаласының тұрғын үй басқармасының қызметкерлерімен кездесіп, кәсіподақ мүшелерінің жағдайымен танысты.

Мекеменің жұмыс берушісі – басқарма басшысы және жұмыскерлер тарапынан басқарманың бастауыш кәсіподақ ұйымы арасында жасалған ұжымдық шартқа сәйкес, әлеуметтік әріптестер тараптарының арасындағы міндеттемелердің орындалу барысы қаралып, жыл бойында кәсіподақ филиалымен атқарылған жұмыстар баяндалды.
Шымкент қаласының тұрғын үй басқармасының басшысы Жанат Өмірсейітқызы Өтебаева басқарма қызметкерлерімен атқарылған жұмыстарға тоқталып, соның ішінде Шымкент қаласының тұрғын үй комиссиясының жұмысына белсене қатысып, өзіндік үлес қосып жүрген комиссия мүшесі, филиал төрағасы С.Әуесхановқа алғысын білдірді.
Жиын қорытындысында басқарманың белсенді кәсіподақ мүшелеріне «Қызмет» салалық кәсіподағы Шымкент қалалық филиалының наградалары табысталды.
Атап айтқанда: «Құрмет грамотасымен» Шымкент қаласының тұрғын үй басқармасының сантехнигі Ағабек Қаныбекұлы Молдабергенов және «Алғыс хатпен» Шымкент қаласының тұрғын үй басқармасы басшысының орынбасары Оспан Оразбайұлы Әбиев марапатталды.