Кәсіподақ көшбасшысының лайықты үлгісі!

Қазақстан Республикасының Тәуелсіздік күні қарсаңында «Қарағанды облысының жұмыспен қамтуды үйлестіру және әлеуметтік бағдарламалар басқармасы» Мемлекеттік мекемесінің еңбек ұжымында көп жылғы адал еңбегі үшін Қазақстан Республикасы Кәсіподақтар федерациясының «КӘСІПОДАҚ АРДАГЕРІ» медалімен Татьяна Пурясева – «ҚЫЗМЕТ» Салалық кәсіподағының Қарағанды облысының мемлекеттік және азаматтық қызметшілерінің Жергілікті кәсіподағының төрайымы салтанатты түрде марапатталды.

Татьяна Михайловна 45 жылдан астам кәсіподақ қозғалысында белсенді жұмыс істейді, қызметкерлердің мүдделерін қорғайды, жауапкершілігі, құқықтық және жеке мәдениеті өте жоғары. Жұмыспен қамту және халықты әлеуметтік қорғау саласындағы жас мамандарға тәлімгер және көшбасшы болып табылады, қазіргі ұжымында 30 жылдан астам жұмыс істейді.  Еңбек жолын қарапайым нормалаушыдан бастап,  облыстық басқарманың жұмыспен қамтуды үйлестіру және жұмысқа орналасуға жәрдемдесу бөлімі бастығының орынбасарына дейінгі жол өтті. Татьяна Пурясева принциптілігі, жоғары кәсібилігі және ұйымдастырушылық қабілеті үшін Қарағанды облысының Жұмыспен қамтуды үйлестіру және әлеуметтік бағдарламалар басқармасы қызметкерлерінің кәсіподақ комитетінің босатылған төрайымы болып сайланды, ол кейіннен өңірдің мемлекеттік және азаматтық қызметшілерінің Жергілікті кәсіподағына айналды.

Кәсіподақ жұмысында жұмыс беруші, басқарма басшысы Әсем Жүніспековамен әлеуметтік әріптестік аясындағы жұмыс дұрыс орнатылған, сонымен қатар еңбек қатынастарын реттеу және барлық қызметкерлері кәсіподақ мүшелері болып табылатын мемлекеттік органның қызметкерлеріне қолдау көрсету мәселелері бірлесіп шешіледі.

Әсем Айтжанқызы Татьяна Пурясеваны кәсіподақ көшбасшысының лайықты марапатымен шын жүректен құттықтап, ізгі еңбегі үшін алғысын білдірді, әріптестеріне мемлекеттік қызметтің еңбек ардагерінен үлгі алуға тілек білдірді.

Қарағанды облысының Кәсіподақтар Орталығы төрағасының орынбасары, «ҚЫЗМЕТ» кәсіподағының облыстық филиалының төрайымы Татьяна Шатохина медальді табыстап, Қазақстан Республикасының Тәуелсіздік күнімен және марапатпен шын жүректен құттықтады!