«Тұғыры биік – Тәуелсіздік» атты іс-шарасы өтті

Шымкент қаласы мәдениет, тілдерді дамыту және архивтер басқармасының «Шымкент қалалық мемлекеттік архиві» КММ бастауыш кәсіподақ ұйымының ұйымдастыруымен «Тұғыры биік – Тәуелсіздік» атты іс-шарасы өтті.
Іс-шараға «Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлестігі Шымкент қалалық филиалының төрағасы Әуесханов Серік Елемесұлы, мемлекеттік архивтің қор құрушылары, желтоқсаншылар Сабит Қалдыкөзұлы Исабеков, Ермұхамбет Әбдікерімұлы Қуандықов, Шымкент қаласының №4 колледж студенттері қатысты.
Іс-шара Қазақстан Республикасының гимнімен ашылып, Шымкент қалалық мемлекеттік архивінің меңгерушісі Бохан Гүлжан Тұрарбекқызы «Тұғыры биік – Тәуелсіздік» атты баяндама жасады.
«Қызмет» салалық кәсіподағы Шымкент қалалық филиалының төрағасы Әуесханов Серік Елемесұлы «16 желтоқсан – Қазақстан Республикасының Тәуелсіздік күні» мерекесімен құттықтап, Шымкент қалалық мемлекеттік архивінің бірқатар кәсіподақ мүшелеріне филиалдың наградаларын табыстады.
Атап айтқанда, «Қызмет» салалық кәсіподағы Шымкент қалалық филиалының «Еңбек озаты» төс белгісімен мекеменің архив қойма меңгерушісі Бохан Гүлжан Тұрарбекқызы, мекеменің архив құжаттарын пайдалану және жариялау бөлімінің басшысы Ешанкұлова Мәдина Оміраліқызы, «Құрмет грамотасымен» мекеменің архивисті Үмбетова Мәдина Базарханқызы, мекеменің архивисті Көмекбаева Халима Тұрапбайқызы, мекеменің архивисті Көкебаева Жанар Тұрсынқызы және «Алғыс хатпен» мекеменің архивисті Егембердиева Ұлжан Жандарбекқызы, мекеменің шаруашылық бөлімінің меңгерушісі Мырзашова Динара Мұнайтпасқызы, мекеменің электригі Тілеуов Бақытқали Хамзиұлы марапатталды.
Іс-шара жалғасы №4 колледж студенттерінің дайындаған концерттік бағдарламасына ұласты.