Кәсіподақ қатары жаңа бастауыш ұйым мүшелерімен толығуда

«ҚЫЗМЕТ» салалық кәсіподағының Қарағанды облыстық филиалында бастауыш кәсіподақ ұйымдарының құрылуы – бұл кәсіподақ жұмысындағы оң динамика.

Ағымдағы жылдың желтоқсан айының басында кәсіподақ төрағасының орынбасары Ерсін Абдулманафов және «ҚЫЗМЕТ» салалық кәсіподағының облыстық филиалының Шет ауданы бойынша өкілі Алтыбай Ибраев Қарағанды облысы әкімі аппаратының Әдеп жөніндегі уәкілі Гүлнара Қабдыкәрімовамен бірлесіп Шет ауданының мемлекеттік қызметшілерімен кездесулер өткізді.

Кәсіподақ мүшелерінің құқықтары мен мүдделерін қорғау, Еңбек және сыбайлас жемқорлыққа қарсы заңнаманың орындалуына қоғамдық бақылауды қамтамасыз ету бойынша кәсіподақ жұмысының мақсаттары мен міндеттері түсіндірілді.

Шет ауданының әкімі Мұхит Мұхтаровпен ашық диалог барысында ауданның әлеуметтік-экономикалық дамуы мен кәсіподақ жұмысының перспективалары мен жолдары талқыланды.

Кездесу нәтижесінде ауылдық округтерде Шет ауданының Кеңшоқы және Нұра-Талды ауылдық округтері әкімдері аппараттарының ұжымдарында екі жаңа бастауыш ұйым ашылды. Кез-келген команда үшін бастауыш ұйымның ашылуы және жалпы кәсіподақ қозғалысына кіруі маңызды оқиға.

Нұра-Талды ауылдық округінің әкімі Ерлан Құтышев және Шет ауданының Кеншоқы ауылдық округінің әкімі Алмас Құлейменов бастауыш кәсіподақ ұйымдарын құру идеясын қолдады.